ფაიზერთან საბოლოო კომუნიკაციისას 1 მილიონ დოზაზე შევჯერდით - ეკატერინე ტიკარაძე
ჯანდაცვის მინისტრის, ეკატერინე ტიკარაძის განცხადებით, ფაიზერთან კომუნიკაციისას სამინისტრო მათი წარმოების ვაქცინის 1 მილიონ დოზის მოწოდებაზე შეჯერდა, თუმცა მისივე განმარტებით, ჯერ გაურკვეველია, რა დროში და რა ფორმატით მოხდება ეს.
"ფაიზერთან მიმართებით, საბოლოო კომუნიკაციის შეჯერება მოხდა 1 მილიონ დოზაზე, თუმცა ველოდებით დასტურს, როდის და რა ფორმატით იქნება მოწოდება, ან რა განრიგი იქნება შემოთავაზებული ამ მილიონი დოზის მოწოდებაზე", - ამბობს ტიკარაძე.
საქართველოში ვაქცინაცია 15 მარტს დაიწყო. ამ ეტაპზე საქართველოში ვაქცინაცია 2 ვაქცინით არის შესაძლებელი - ფაიზერით და ასტრაზენეკათი.
ჩინურ ვაქცინას, სინოფარმს ჯერ ჯანდაცვის მსოფლიო ორგანიზაციის, ევროკავშირის და აშშ-ის ავტორიზაცია არ აქვს. მისით ეგვიპტეში, ბრაზილიაში, საუდის არაბეთსა და ჩინეთში იცრებიამ.
სიახლეები
- "ჩვენ უნდა დავაწესოთ მიზანმიმართული სანქციები და მოვითხოვოთ მიხეილ სააკაშვილის გათავისუფლება"
- "მთავარია, მართლები ვიყოთ საკუთარი სამშობლოს და მისი ღირსეული მომავლის წინაშე, გელოდებით ყველას 29 აპრილს"
- 24-25 აპრილს, ღამის საათებში რიკოთის ძველ გვირაბში შეზღუდვები დაწესდება
- უცხოური ვალუტის ოფიციალური კურსი 24 აპრილისთვის
- ევროპის ისტორიული თერმული ქალაქების დელეგატები იმერეთის კურორტების სამკურნალო თვისებებს ეცნობიან