"ეს არის ლაბორატორიების გამდიდრება და ჩვენი გაღარიბება" - კულუმბეგოვი
იმუნოლოგ-ალერგოლოგმა ბიძინა კულუმბეგოვმა განმარტა, არსებობს თუ არა კორონავირუსის საწინააღმდეგო აცრამდე რაიმე ტიპის ანალიზის გაკეთების აუცილებლობა.
მისი თქმით, მსგავსი საჭიროება არ არსებობს და ვინც რაიმე ტიპის გამოკვლევების ჩატარებას გადაწყვეტს ვაქცინაციამდე, მხოლოდ ლაბორატორიებს გაამდიდრებს.
„არავითარი ანალიზის წინასწარ გაკეთება აბსოლუტურად საჭირო არ არის. ეს არის ზედმეტი ხარჯი. ეს არის ლაბორატორიების გამდიდრება, ჩვენი გაღარიბება და არავითარ მნიშვნელოვან ინფორმაციას ვაქცინაციამდე არ გვაძლევს. ამიტომ, ვაქცინაციის წინ, შესვლისას არავითარ შემთხვევაში არ მოგთხოვენ: „გვანახეთ, ანალიზი თუ გაქვთ გაკეთებული და მერე შემოგიშვებთ“. არ გესაჭიროებათ ანალიზების წინასწარ გაკეთება“, – განაცხადა კულუმბეგოვმა.
მისივე თქმით, აუცილებელი არც კორონავირუსზე PCR-ტესტის და ანტისხეულებზე ტესტის ჩაბარებაა.
„საქართველოში 300-მდე ადამიანს ვაქცინაციის პირველი დოზის შემდეგ დაუდასტურდა PCR-ით ვირუსი, მაგრამ არცერთ მათგანს დაავადება არ გართულებია, ამიტომ არავითარი აუცილებლობა არ არის. თეორიულად რომც ვიყო ვირუსის მატარებელი, და ეს 300 ადამიანი იყო ალბათ, არავითარ გართულებას ეს არ იწვევს. ამიტომაც, აქაც ზედმეტი ხარჯია“, – განმარტა კულუმბეგოვმა.
სიახლეები
- ფრიდონ ინჯია პარლამენტს სახელმწიფო გერბზე გაკეთებული დევიზის „ძალა ერთობაშია“ შეცვლას და მის ნაცვლად, „ენა, მამული, სარწმუნოების“ დაწერას სთავაზობს
- "ახლა რაც ხდება არის ბრძოლა მომავალსა და წარსულს შორის, ფრონტის ხაზი გავლებულია და დარწმუნებული ვარ, ის მომავლის გამარჯვებით დასრულდება" - გია ხუხაშვილი
- „ჩვენი ერთობლივი მომავალი ევროპაშია!“ - ზურაბიშვილი ზელენსკის ტელეფონით ესაუბრა
- პაპუაშვილმა „ქარაფშუტა პოლიტიკოსი“ უწოდა გერმანიის ბუნდესტაგის საგარეო კომიტეტის თავმჯდომარეს
- "ლაზარე გრიგორიადისს სპეცრაზმის თანამშრომლები მივარდნენ, ვიდრე პოლიციის მანქანაში ჩასვამდნენ, მანამდე სცემეს, ძირს დააწვინეს და ურტყეს, აგინებდნენ - დაზიანებები სახეზე და თავზე აქვს, ბორკილებისგან დაწითლებული აქვს ხელები " - ადვოკატი