მოსახლეობამ სახელმწიფოს უნდა დაუჯეროს - თენგიზ ცერცვაძე
ქვეყანაში 1 500-მდე კოვიდსაწოლი ჯერ ისევ თავისუფალია.
მოსახლეობა რეგულაციების დაცვას უნდა შეეჩვიოს და სახელმწიფოს უნდა დაუჯეროს. ამის შესახებ ინფექციური პათოლოგიებისა და შიდსის ცენტრის დირექტორმა თენგიზ ცერცვაძემ განაცხადა. მისი თქმით, ქვეყანაში ვაქცინის საკმარისი რაოდენობაა იმისთვისაც კი, რომ დღში 40 000-მდე ადამიანი აიცრას.
"პრაქტიკამ აჩვენა, რომ ყველა ვაქცინა კარგია, ყველა ვაქცინა იცავს სასიკვდილო ფორმებისგან, მძიმე გართულებებისგან და რეანიმაციისგან, ხოლო დამართებისგან და ინფიცირებისგან საიმედოდ არცერთი ვაქცინა არ იცავს, მათ შორის "ფაიზერი".
ტემპი ჯერ კიდევ დაბალია. იმისთვის, რომ წლის ბოლოს გავიდეთ სამიზნე 65%-ზე მოსახლეობის ვაქცინაციის (ეს დაახლოებით ის პროცენტია, რაც აქვს ისრაელს), ამისთვის საჭიროა დღეში 20-25 ათასი ადამიანის აცრა.
ძალიან საყურადღებო ეპიდსიტუაციაა. ახალი შემთხვევების რაოდენობა მზარდია, 7 000 კოვიდსაწოლია მობილიზებული, დღეისათვის წევს 5 400. 1 500 საწოლი ჯერ კიდევ თავისუფალია.
ხშირად გვეკითხებიან, ვინ უნდა მართოს პანდემია, მოსახლეობამ თუ სახელმწიფომ?! რა თქმა უნდა, სახელმწიფომ, მაგრამ მოსახლეობამ უნდა დაუჯეროს", - განაცხადა თენგიზ ცერცვაძემ.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი