ბიძინა კულუმბეგოვმა საქართველოში მესამე დოზით აცრის პერიოდი დაასახელა
"ბუსტერის საკითხი, როგორც ჩანს, ყველა ვაქცინას დაუდგება", - ამის შესახებ ალერგოლოგ-იმუნოლოგმა ბიძინა კულუმბეგოვმა ვაქცინის მესამე დოზით ვაქცინაციაზე საუბრისას განაცხადა.
როგორც კულუმბეგოვი ამბობს, საქართველოში ე,წ ბუსტერული დოზის დამატების საკითხი სექტემბერ- ოქტომბრის პერიოდისთვის განიხილება და სავარაუდოდ ის დადებითად გადაწყდება.
"ბუსტერის საკითხი, როგორც ჩანს, ყველა ვაქცინას დაუდგება. დღეს ვიცით, რომ იმავე FDI-მ "ფაიზერის" მესამე ბუსტერი მხოლოდ იმუნოკომპრომენტირებული და ორგანოგადანერგილი ადამიანებისთვის დაუშვა. რაც შეეხება ჩვენთან ავადობის მონიტორინგს, ადამიანებში, რომელთაც აქვთ "სინოფარმი" ან "სინოვაკი" გაკეთებული, არ ვლინდება რაიმე დრამატული ზრდა ან ჰოსპიტალიზაციაში ან სიკვდილიანობაში, ამიტომ, ბუნებრივია ახლა ბუსტერის საჭიროება არ არის, საზოგადოებას უბრალოდ შიში აქვს შინაგანი. თუმცა, მეორე დოზიდან 5-6 თვის შემდგომ, და ეს არის სექტემბრის ბოლო, ოქტომბერი, ალბათ ეგ საკითხი დადგება, მათ აუცილებლად მოუწევთ მესამე დოზა, ან იმავე, ან სხვა ვაქცინას შევთავაზებთ და ეს საკითხი პოზიტიურად გადაწყდება", - თქვა ბიძინა კულუმბეგოვმა
სიახლეები
- „ნაციონალურმა მოძრაობამ“ და „ლელომ“ საპარლამენტო ბოიკოტი გამოაცხადეს
- კანონის მიღებას პარლამენტთან დაძაბულობა მოჰყვა - აქციის მონაწილეთა ნაწილმა ჯებირი გაჭრა
- სია: 84 დეპუტატი, რომლებმაც „აგენტების კანონს“ მესამე, საბოლოო მოსმენით მხარი დაუჭირეს
- ქუთაისის წერეთლის უნივერსიტეტის ლექტორები სტუდენტებს სოლიდარობას უცხადებენ
- "საქართველოს მთავრობას ქვეყანა ევროატლანტიკური გზიდან გადაჰყავს"- ჯონ ბასი