"კოვიდ-19-ის, გრიპისა და სხვა პათოგენების რესპირატორული დაავადებები უკანასკნელი კვირების განმავლობაში ბევრ ქვეყანაში იმატებს"
კოვიდ-19-ის, გრიპისა და სხვა პათოგენების რესპირატორული დაავადებები უკანასკნელი კვირების განმავლობაში ბევრ ქვეყანაში იმატებს, - ამის შესახებ ჯანდაცვის მსოფლიო ორგანიზაციის გენერალურმა დირექტორმა, ტედროს ადანომ გებრეისუსმა განაცხადა.
„კოვიდ-19-ის, გრიპისა და სხვა პათოგენების რესპირატორული დაავადებები უკანასკნელი კვირების განმავლობაში ბევრ ქვეყანაში იმატებს და სავარაუდოდ, ეს შესვენების შემდეგაც გაგრძელდება“, - წერს ტედროს ადანომ გებრეისუსი X-ზე (ყოფილი „ტვიტერი“).
ჯანდაცვის მსოფლიო ორგანიზაციის გენერალური დირექტორი ადამიანებს მოუწოდებს, რომ ნიღბების, ვენტილაციისა და დისტანციის გამოყენება განაგრძონ. ასევე, კოვიდ-19-ისა და გრიპის საწინააღმდეგო აცრების შესახებ ინფორმირებულები დარჩნენ.
„დარწმუნდით, რომ ტესტირება გაიარეთ და საჭიროების შემთხვევაში დახმარებას მიმართეთ, რადგან კოვიდ-19-ის მკურნალობას მძიმე დაავადებებისა და სიკვდილის თავიდან არიდება შეუძლია“, - აღნიშნა ჯანდაცვის მსოფლიო ორგანიზაციის გენერალურმა დირექტორმა.
ტედროს ადანომ გებრეისუსმა განაცხადა, რომ მთავრობებმა სანდო ტესტებზე, მკურნალობასა და ვაქცინებზე წვდომა უნდა უზრუნველყონ, განსაკუთრებით მათთვის, ვინც ყველაზე მეტად იმყოფება ინფექციის მძიმე რისკის ქვეშ.
სიახლეები
- "ევროკავშირის კონკრეტული ქვეყნების წარმომადგენლების აქციაზე ყოფნა უარყოფითად აისახება არა მხოლოდ შესაბამისი ქვეყნის, არამედ ევროკავშირის იმიჯზეც"
- ქუთაისის სპორტის სასახლეში გაიხსნა იმერეთის სასკოლო სპორტული ლიგა მინი ფეხბურთში
- უცხოური ვალუტის ოფიციალური კურსი 17 მაისისთვის
- "გვსურს, მშვიდობიანი შეკრებით წარმოვაჩინოთ, რომ ჩვენი ისტორიის, ტრადიციების, ღირებულებების დაცვა უმნიშვნელოვანესია და ვიწრო პოლიტიკურ ინტერესებზე მაღლა დგას"
- "ევროკავშირის საგარეო საქმეთა მინისტრები რუსთაველის ტრიბუნიდან გამოსვლას „ვარდების რევოლუციის“ ხსენებით იწყებენ"