კორონავირუსის 87 შემთხვევიდან 10-ის ინფიცირების წყარო უცნობია
ინფექციური საავადმყოფოს სამედიცინო დირექტორის მარინა ეზუგბაიას განცხადებით, კორონავირუსის 87 ახალი შემთხვევიდან 29 ბათუმს უკავშირდება.
როგორც ეზუგბაიამ ჟურნალისტებს განუცხადა, 87 შემთხვევიდან 10 ინფიცირებულის წყარო უცნობია.
„დაგვემატა 87 ახალი შემთხვევა, 1917 დადასტურებული შემთხვევა გახდა. ამ 87 ახალი შემთხვევიდან, 29 არის ბათუმის შემთხვევები, 24 ქუთაისის სკოლის შემთხვევაა, 12 არის დადასტურებულ შემთხვევასთან კონტაქტი, 5 არის მოგზაურობის ისტორიით აჭარაში, 4 იმპორტირებულია, აქედან 3 სატვირთო ავტომანქანის მძღოლია, 3 შემთხვევა სამედიცინო პერსონალია, 10 შემთხვევაზე მიმდინარეობს ეპიდკვლევა კონტაქტების გამოვლენის და წყაროს დადგენის მიზნით“,- განაცხადა ეზუგბაიამ.
მისივე განცხადებით, ქვეყანაში კორონავირუსით ინფიცირებული 4 კრიტიკულად მძიმე და 17 - მძიმე პაციენტია.
„გამოჯანმრთელებულების პროცენტული მაჩვენებელი არის 71, კოვიდ ცენტრებში 536 ინფიცირებული მკურნალობს. აქედან კრიტიკულად მძიმეა 4 პაციენტი, მძიმე 17. რაც შეეხება თბილისის ინფექციურ საავადმყოფოს, 23 ინფიცირებული მკურნალობს, აქედან 1 კრიტიკულად მძიმეა, 1 მძიმე პაციენტია“,-განაცხადა ეზუგბაიამ.
სიახლეები
- "ჩვენ უნდა დავაწესოთ მიზანმიმართული სანქციები და მოვითხოვოთ მიხეილ სააკაშვილის გათავისუფლება"
- "მთავარია, მართლები ვიყოთ საკუთარი სამშობლოს და მისი ღირსეული მომავლის წინაშე, გელოდებით ყველას 29 აპრილს"
- 24-25 აპრილს, ღამის საათებში რიკოთის ძველ გვირაბში შეზღუდვები დაწესდება
- უცხოური ვალუტის ოფიციალური კურსი 24 აპრილისთვის
- ევროპის ისტორიული თერმული ქალაქების დელეგატები იმერეთის კურორტების სამკურნალო თვისებებს ეცნობიან