ტოვებს თუ არა ვირუსი იმუნიტეტს - ბიძინა კულუმბეგოვის განმარტება
ალერგოლოგ-იმუნოლოგი ბიძინა კულუმბეგივი განმარტავს, რომ კორონავირუსით ხელახალი ინფიცირების მხოლოდ ერთეული შემთხვევებია აღწერილი, რაც იძლევა ვარაუდის საფუძველს, რომ აღნიშნული ვირუსი ადამიანის ორგანიზმში იმუნიტეტს ტოვებს.
კულუმბეგოვის თქმით, თუ ადამიანი კორონავირუსს გადაიტანს, ის მინიმუმ ნახევარი წელი დაცული იქნება რეინფიცირებისგან.
„ადამიანის ორგანიზმში ნებისმიერი უცხო აგენტის შეჭრისას, ორგანიზმი ორი ტიპის იმუნიტეტს ავითარებს: ერთია ანტისხეულები - ესაა მობილური „დესანტი“, „ჯარისკაცები“ და ამას ებრძვის მეორე „ბატალიონიც“ - T-ლიმფოციტების. ამას ჰქვია უჯრედული იმუნიტეტი, რომლებიც ბაზირებული და მყარად არიან, ანუ, ასე ვთქვათ, არ მოძრაობენ. შეიძლება, ინფექცია გადავიტანო და ეს ანტისხეულები არ მესაზღვრებოდეს ან ძალიან დაბალი მქონდეს, ვთქვათ, 2,3,4 თვეში დამეკარგოს, მაგრამ ეს არ ნიშნავს, რომ T-ლიმფოციტური იმუნიტეტი არ მაქვს.
სხვათა შორის, ეს კაროლინსკას ინსტიტუტმა დაადგინა, სადაც ნობელის პრემიას გასცემენ მედიცინის სფეროში, შვედეთში. იმდენად მაღალია შიდასაზოგადოებრივი გავრცელება აშშ-ში, ევროპის ყველა ქვეყანაში, აუცილებლად იქნებოდა რეინფიცირების ასეულობით და ასიათასობით შემთხვევა. მსგავსი შემთხვევები კი არ ფიქსირდება. მხოლოდ რამდენიმე შემთხვევაა პუბლიკაციების დონეზე აღწერილი. ამიტომ, მე ვფიქრობ, ამ მხრივ, მშვიდად უნდა ვიყოთ. თუ გადაიტანს ადამიანი ვირუსს, მინიმუმ, ნახევარი წელი დაცული იქნება“ - განაცხადა ბიძინა კულუმბეგოვმა
სიახლეები
- სამარხვო ტორტი
- " ჩვენ აღარ გვჭირდება დამხობა, ან რადიკალური გადაწყვეტილებები - ჩვენი გზა ევროპისკენ - არჩევნების თემა ეს იქნება" - სალომე ზურაბიშვილი
- "რუსეთმა დაიწყო ჰიბრიდული სტრატეგია და ცდილობს, შეგვაჩეროს ევროკავშირში გაწევრიანების გზაზე და მათ, ცხადია, ეხმარება დღევანდელი ხელისუფლება - ეს არის რუსული კანონი, პუტინის კანონის ზუსტი ასლი" - პრეზიდენტი
- "ვინმე და რამე სამოქალაქო საზოგადოებას თუ აზიანებს, ეს არიან არასამთავრობო სექტორს ამოფარებული პარტიები, პოლიტიკაში ყოფნა უნდათ, მაგრამ გამოჩენა - არა" - არჩილ თალაკვაძე
- 18-მდე გაიზარდა ჩერნიგოვზე რუსეთის სარაკეტო დარტყმის შედეგად დაღუპულთა რიცხვი