დღეს, მესხიშვილის თეატრმა 161–ე თეატრალური სეზონი დახურა
დღეს, მესხიშვილის თეატრმა 161–ე თეატრალური სეზონი, მაკა კუკულავას პიესის მიხედვით დადგმული ერთ მოქმედებიანი სპექტაკლით ,,გადაუღებლად წვიმს, 13/06...", დახურა.
სპექტაკლის დამდგმელი რეჟისორი ლილი ბურბუთაშვილია.
მონაწილეობენ : ენდი ძიძავა, დავით როინიშვილი, ზაზა კილასონია.
სპექტაკლი „თავისებურად უბედურ“ ოჯახზე ჰყვება. ოჯახური პორტრეტი ინტერიერში მცირე სცენაზე გათამაშდა.
სპექტაკლის მიხედვით, ცოლ-ქმარი, რომელთაც ათწლეულების თანაცხოვრება აკავშირებდათ ერთმანეთს დაშორდნენ. ეს მათი ოფიციალურად ურთიერთობის ბოლო დღეა. ცოლ- ქმრის ამპლუის 12 საათი, ბოლო ძაფი, რომელიც ამ საღამოს შემდეგ გაწყდება.
„გადაუღებლად წვიმს 13.06...“ არის სპექტაკლი ურთიერთობებზე.
თეატრალური სეზონის დახურვაზე FirstNews.ge- ს მესხიშვილის თეატრის სამხატვრო ხელმძღვანელი გიორგი თავაძე ესაუბრა.
"დღეს, ნებისმიერი თეატრის ცხოვრებაში, ძალიან მნიშვნელოვანი დღეა - სეზონის დახურვა გარკვეულ სევდას მოიცავს. უკვე 161-ე სეზონია. ეს ციფრი უკვე ძალიან ბევრს ამბობს, თუ რამდენნაირი სეზონი ყოფილა და რა შემოქმედებით ქარტეხილებში არსებობს თეატრი.
ჩემთვის, როგორც სამხატვრო ხელმძღვანელისთვის ეს სეზონი პირველია. მე აქ სეზონის მიწურულს ჩამოვედი. ძალიან ბევრი რამ გავიგე, მაგრამ ბევრიც ასათვისებელი, გასაუმჯობესებელი და გასაძლიერებელი მაქვს.
მაყურებლის სიმრავლე, რომელიც დღეს დარბაზში იყო მეტყველებს იმაზე, რომ თეატრის დასი და მაყურებელი ერთი ორგანიზმია.
ვისურვებდი, რომ ეს კავშირი კიდევ უფრო მჭიდრო და მაგიური ერთობის შემცველი ყოფილიყოს ხელოვნებისა და ადამიანის სადიდებლად,"- განაცხადა FirstNews.ge-თანსაუბარში გიორგი თავაძემ.
სიახლეები
- "ქვეყნის გადარჩენისთვის ერთადერთი გამოსავალი არის ხალხმრავალი, შეუჩერებელი, მყარი და მშვიდობიანი დემონსტრაციები"
- "ევროპაში, ამერიკაში აღვირახსნილი კამპანიაა, საბავშვო ბაღებში, სკოლებში მიჰყავთ ტრანსგენდერები და ეუბნებიან, თუ შენი სქესი არ მოგწონს, შეგიძლია გადაიკეთოო - ეს არის ანტიადამიანური, დემონური ინიციატივები და ამას სჭირდება ჩაკეტვა"
- "კანონი არ არის ბიძინა ივანიშვილი, კანონი არ არის ირაკლი კობახიძე, კანონი არის კანონი, რომელმაც უნდა დაიცვას ქართველი ხალხი"
- "საჭიროა აშშ-სთან მუშაობა, დიალოგი და საუბარი" - ირაკლი ღარიბაშვილი კონგრესმენების წერილზე
- "ჩვენი უმთავრესი საგარეო პრიორიტეტი ევროკავშირის წევრობაა და ამისთვის ყველაფერი კეთდება" - პრემიერი