უნიკალური ფაქტი: ისრაელში მეექვსე საუკუნის ქართული მოზაიკური იატაკი აღმოჩნდა

ისრაელში, ქალაქ აშდოდთან ახლოს, არქეოლოგთა ჯგუფმა, თელ-ავივის უნივერსიტეტის დოქტორის ალექსანდრე ფანტალკინის და ლაიფციგის უნივერსიტეტის პროფესორის ანჟელიკა ბერლიონგის ხელმძღვანელობით, აღმოაჩინა დანგრეული ქართული ეკლესიის (ან მონასტრის) მოზაიკური იატაკი, რომელიც ჩვ. წ. VI საუკუნით თარიღდება.

ფაქტი უნიკალურია, რადგან არსებული ბერძნული წარწერის თანახმად, ეს ეკლესია ქართველმა ქრისტიანებმა ააშენეს. ამის შესახებ მიუთითებს ის მოცემულობა, რომ წარწერაში გამოყენებულია ძველი ქართული ჟამთაღრიცხვის სისტემა.

 

ერთ-ერთ წარწერაში მოხსენიებულია ეპისკოპოსი პროკოფი, ეკლესიის დამაარსებელი. იქვე წერია თარიღი: ” 292 წლის მესამე ინდიქცია”, რაც თანამედროვე კალენდრის მიხედვით 539 წელს უდრის.

ალექსანდრე ფანტალკინმა “NEWSru.co.il”-თან საუბარში აღნიშნა, რომ საქართველოში არსებობს ამ ჟამთაღრიცხვის სისტემის გამოყენების მტკიცებულებები, რომლებიც ჩვ. წ. IX საუკენეს განეკუთვნებიან.

ეს სენსაციური აღმოჩენა მეცნიერებს აძლევს იმის მტკიცების საშუალებას, რომ ქართველები ჟამთაღრიცხვის ამ სისტემით ჯერ კიდევ ჩვ. წ. VI საუკუნეში სარგებლოდნენ, მათ შორის ხმელთაშუა ზღვის ისრაელის სანაპიროზე.

წყარო: artnews.ge

წაკითხვა 2980 ჯერ განახლდა განახლდა სექტემბერი 15 2018
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.