ქუთაისის ლადო მესხიშვილის სახელობის პროფესიულ სახელმწიფო დრამატულ თეატრში სპექტაკლის - "ღამის სტუმარი" პრემიერა გაიმართა
ქუთაისის ლადო მესხიშვილის სახელობის პროფესიულ სახელმწიფო დრამატულ თეატრში სპექტაკლის "ღამის სტუმარი" პრემიერა გაიმართა.
პიესა ქართველ მსახიობს, რეჟისორსა და დრამატურგს ოთარ ბაღათურიას ეკუთვნის,რომელიც პირველად ქუთაისის თეატრში დაიდგა.
სპექტაკლის შესახებ FirstNews.ge-ს ერთ-ერთი მთავარი როლის შემსრულებელი დავით როინიშვილი ესაუბრა.
"ეს ბატონი ოთარ ბაღათურიას პიესაა. მის პიესებს ძალიან კარგად იცნობენ, როგორც თბილისის ასევე რეგიონების თეატრები. პიესა ახალია და მისივე დაწერილია, რომელიც წარმატებით მიიღო მაყურებელმა.
ძალიან მიხარია, რომ ეს პიესა პირველად ჩვენ ვითამაშეთ. ბ.ნ. ოთარი ჩემი პედაგოგია და მახარებს ის ფაქტი, რომ ამდენი წლის შემდეგ ჩვენ პროფესიულად ისევ გადავეკვეთეთ ერთმანეთს.
ბედნიერი ვარ, რომ ასეთი მსუბუქი ჟანრის დეტექტიური სპექტაკლი მაყურებელმა ასე კარგად მიიღო",-აღნიშნა დავით როინიშვილმა.
პიესა ერთ მოქმედებიანია. მასში მთავარ როლებს ინგა კაკიაშვილი და დავით როინიშვილი ასრულებენ.მუსიკალური გაფორმება-დავით როინიშვილი. მხატვარი-აივენგო ჭელიძე.
სპექტაკლის საპრემიერო ჩვენება 12 და 13 მარტს გაიმართება.
სიახლეები
- "ოფიციალურ პირებს ჯერ კიდევ აქვთ შანსი გადახედონ საკანონმდებლო ინიციატივას" - ოლივერ ვარჰეი
- "უცხოელი მინისტრები არიან გამოსასვლელები და ხალხი არ გვყავსო, დიდი პანიკაა „ნაცებში“, გმირთა მოედნიდან მოხსნეს ხალხი, მიჰყავთ რუსთაველზე"
- უცხოური ვალუტის ოფიციალური კურსი 16 მაისისთვის
- “საქართველოს კურსი ევროკავშირისაკენ ბეწვზე ჰკიდია!”- უცხოური პრესა
- "ვერსად ვნახე რა ჰქვია ფსიქიკურად აშლილი პირების მმართველობას" - კახა გოგოლაშვილი