ქუთაისის მერია აუტისტური სპექტრის დარღვევის მქონე ბავშვთა რეაბილიტაციის პროგრამას მთლიანად დააფინანსებს
ქუთაისის მერია აუტისტური სპექტრის დარღვევის მქონე ბავშვთა რეაბილიტაციის პროგრამას მთლიანად დააფინანსებს, – ამის შესახებ ქუთაისის მერის მოადგილემ, ირაკლი ქარქაშაძემ განაცხადა.
მისივე თქმით, პროგრამა აუტისტური სპექტრის მქონე ბავშვების რეაბილიტაციას ითვალისწინებს და ამისთვის ადგილობრივი ბიუჯეტიდან 720 ათასი ლარი გამოიყოფა,
როგორც ირაკლი ქარქაშაძემ აღნიშნა, გასულ წლებში არსებული დაფინანსება 2021 წელს საკმარისი არ იქნებოდა, რადგან ბენეფიციართა რაოდენობა მნიშვნელოვნად გაიზარდა და აუცილებელი გახდა დამატებითი თანხების მოძიება.
„როგორც წესი, წლის ბოლოს ადგილობრივი ბიუჯეტის დამტკიცება ხდება. შესაბამისად, სოციალურ პროგრამებზე მომუშავე ჯგუფი სხვადასხვა ვარიანტს განიხილავდა, თუმცა არ ყოფილა განხილული ისეთი საკითხი, რომელიც პრობლემას შეუქმნიდა პროგრამის განხორციელებას, ან კომპრომისი იქნებოდა სერვისების ხარჯზე.
მუშა პროცესის პარალელურად სამწუხაროდ, ადგილი ჰქონდა პოლიტიკურ სპეკულაციებს, რათა პანიკის საფუძველი შექმნილიყო, თუმცა სამუშაო ჯგუფი შეჯერდა ყველაზე ოპტიმალურ ვარიანტზე, რაშიც მნიშვნელოვანი წვლილი აქვთ სერვისის მიმწოდებელ ორგანიზაციებისაც. შედეგად მიღწეულია შეთანხმება, რომ პროგრამა 100 პროცენტით დაფინანსდება“, – განაცხადა ირაკლი ქარქაშაძემ.
სიახლეები
- უცხოური ვალუტის ოფიციალური კურსი 25 აპრილისთვის
- ზოდიაქოს ის ნიშნები, რომელთათვისაც 2024 წლის მეორე ნახევარი ტრანსფორმაციისა და არაერთი სასიამოვნო სიახლის ეტაპი იქნება
- "ახლა გავაკეთებთ ყველაფერს, რათა იმ ნახევარი წლის კომპენსირება მოვახდინოთ, რომელმაც დებატებში და ეჭვებში გაიარა"
- "კანონი არის რუსული, რადგან ამ კანონით საქართველოს არ ექნება შანსი, გახდეს ევროკავშირის წევრი"
- "ქვეყანაში ახალგაზრდებთან ბრძოლა არავის არ მოუგია და შესაბამისად ვერც ივანიშვილი და გომელაური ვერ მოიგებს"