ქუთაისის მერიასთან აქციაზე დაკავებულების გათავისუფლებას ითხოვენ
ქუთაისის მერიასთან აქციაზე დაკავებულების გათავისუფლებას ითხოვენ.
როგორც აქციის მონაწილეები აცხადებენ, თუ 21:00 საათისთვის მათ თანამოაზრეებს არ გაათავისუფლებენ, ისინი ქალაქი ქუჩებში მსვლელობას გამართავენ.
„იმ ვანდალური აქტის შემდეგ, რომელიც შსს-მ განახორციელა ქუთაისის მერიასთან, ვაკეთებთ საგანგებო განცხადებას, მივმართავთ შსს-ს დღეს 21:00 საათამდე ჩვენი ექვსი აქტივისტი დაუყონებლივ გაათავისუფლონ, წინააღმდეგ შემთხვევაში მთელი ქალაქის მასშტაბით მოვაწყობთ მშვიდობიან მსვლელობას, ჩვენი აქტივისტების გათავისუფლების მოთხოვნით. ამ ადამიანებმა, მთელი ღამის განმავლობაში გვსდიონ და გვიყარაულონ“, – განაცხადა მოძრაობა „საქართველოსთვის“ წევრმა, ლაშა ხუსკივაძემ.
ქუთაისის მერიის შენობასთან დღეს აქცია გაიმართა, სადაც ოპოზიციის მხარდაჭერებსა და სამართალდამცველებს შორის დაპირისპირება მოხდა. აქციის მონაწილეები ქუთაისის მერიის შენობაში შეჭრას ცდილობდნენ.
სიახლეები
- "სენატორების წერილი განგაშის ზარია"- სალომე სამადაშვილი
- "პროვოკაციებს არ დავუშვებთ - კარგია, რომ აქციები სხვადასხვა დღეს იმართება" - ირაკლი ღარიბაშვილი
- "მიუღებელი, უსამართლო და შეურაცხმყოფელია, მასში მზაკვრობაა ჩადებული, მინიშნება, რომ შეიძლება გადაიხედოს უვიზო რეჟიმი" - ირაკლი ღარიბაშვილი
- ქუთაისის "ახალგაზრდული მრჩეველთა საბჭოს" წევრები განცხადებას ავრცელებენ
- უცხოური ვალუტის ოფიციალური კურსი 27 აპრილისთვის