ქუთაისში კიდევ ერთი ახალგაზრდული სივრცე გაიხსნა
ქუთაისში კიდევ ერთი ახალგაზრდული სივრცე გაიხსნა. ქუთაისის მერი იოსებ ხახალეიშვილი და ვიცე-მერი დავით ერემეიშვილი ახალგაზრდობის სააგენტოს წარმომადგენლებს შეხვდნენ.
შეხვედრა მუნიციპალური ახალგაზრდობის პოლიტიკის რეფორმის ფარგლებში გაიმართა.
შეხვედრაზე ისაუბრეს ახალგაზრდული სფეროს ეკოსისტემის შენებლობის პროცესებსა და მიღწეულ შედეგებზე, რაც სააგენტოსა და საპილოტე მუნიციპალიტეტის თანამშრომლობით გაკეთდა. მხარეებმა განიხილეს ქუთაისის მუნიციპალიტეტში ჩატარებული ახალგაზრდების საჭიროებების კვლევის შედეგებიც. აღნიშნული კვლევის მიხედვით შეიქმნა ქუთაისში ახალგაზრდობის სტრატეგიის დოკუმენტი. ამჟამად მიმდინარეობს ამ დოკუმენტის საჯარო განხილვები, რის შემდეგაც, უახლოეს პერიოდში, საკრებულოს წარედგინება დასამტკიცებლად.
„დღეს ხელი მოვაწერეთ მემორანდუმს, რომელიც გაფორმდა ქუთაისის მერიას, ახალგაზრდობის სააგენტოსა და კოლეჯ „იბერიას“ შორის. ჩვენ, მათთან თანამშრომლობით, ქალაქში ახალგაზრდული სივრცე გავხსენით. ქუთაისის მერია ყოველთვის მზადაა ახალგაზრდული პროგრამების და პროექტების მაქსიმალურად მხარდასაჭერად, რათა ჩვენი ახალგაზრდები აქტიურად იყვნენ ჩართულები ქალაქის ცხოვრებასა და განვითარების პროცესებში,“- განაცხადა იოსებ ხახალეიშვილმა.
ახალგაზრდობის სააგენტომ ახალი სივრცისთვის, რომელიც კოლეჯ „იბერიაში" გაიხსნა, პირველადი ტექნიკური აღჭურვილობა და ექსპერტული დახმარება გამოყო, რათა ახალგაზრდული სივრცეების კონცეფცია სწორად და მიზნობრივად დაიგეგმოს.
სიახლეები
- "თუ ვინმე არის პროვოკატორი და მოძალადე, ეს არის ხელისუფლება" - ლევან ხაბეიშვილი
- "არანაირი მნიშვნელობა არ აქვს, ოპოზიცია გაერთიანდება თუ ცალკეულ მარტივ მამრავლებად დაიშლება - შესაკრებთა გადაცვლებით ჯამი არ იცვლება"
- როგორი ამინდია მოსალოდნელი საქართველოში
- "პოლიციელზე თავდასხმა ნიშნავს სახელმწიფო ინსტიტუტზე თავდასხმას და ხაზგასმით ვამბობ, რომ ეს არის დაუშვებელი" - ვახტანგ გომელაური
- "საპარლამენტო არჩევნები გადამწყვეტი იქნება, რათა თავიდან მოვიშოროთ არა „ოცნება“, არამედ ქართული კოშმარი"- პრეზიდენტი