ქუთაისში დავით ხახალეიშვილის ხსოვნისა და 50 წლის იუბილისადმი მიძღვნილი ღონისძიებები გაიმართა
ქუთაისში ოლიმპიური ჩემპიონის დავით ხახალეიშვილის ხსოვნისა და 50 წლის იუბილისადმი მიძღვნილი ღონისძიებები გაიმართა.
ღონისძიებებს ქუთაისის მერი იოსებ ხახალეიშვილი, ა(ა)იპ სპორტულ დაწესებულებათა გაერთიანების მმართველი კობა ფხაკაძე, დავით ხახალეიშვილის ოჯახის წევრები, ასევე ვეტერანი და მოქმედი სპორტსმენები დაესწრნენ.
ა(ა)იპ სპორტულ დაწესებულებათა გაერთიანების ორგანიზებით, ქუთაისის სპორტის სასახლეში, კადეტებს შორის ღია პირველობა ჩატარდა ძიუდოში. საპრიზო ადგილებზე გასული სპორტსმენები საქართველოს ჩემპიონატში მიიღებენ მონაწილეობას. აქვე მოეწყო დავით ხახალეიშვილის სპორტული ცხოვრების ამსახველი ფოტოგამოფენა.
სპორტის მუზეუმის საგამოფენო სივრცე კი სახელოვანი ქართველი სპორტსმენის მიერ ოლიმპიურ თამაშებზე, მსოფლიო და ევროპის ჩემპიონატებზე მოპოვებული მედლებისა და ექსპონატების გამოფენას დაეთმო.
„დავით ხახალეიშვილი პირველი ქართველი ოლიმპიური ჩემპიონია, რომელმაც უმაღლესი სპორტული ჯილდო დამოუკიდებელი საქართველოს სახელით მოიპოვა. ქუთაისელმა ძიუდოისტმა მრავალგზის ასახელა მშობლიური ქალაქი და ქვეყანა საერთაშორისო ასპარეზზე. დასანანია, რომ დათო ასე ნაადრევად წავიდა. სახელოვანი სპორტსმენის 50 წლის იუბილის აღსანიშნავად რამდენიმე ღონისძიება გავმართეთ ქუთაისში. მის კოლეგებთან, მეგობრებთან, ახლობლებთან ერთად დავით ხახალეიშვილის ხსოვნას კიდევ ერთხელ მივაგეთ პატივი.“- განაცხადა ქუთაისის მერმა.
სპორტის მუზეუმში გაიმართა დოკუმენტური ფილმის ,,ერთი ჩემპიონის ისტორია“ ჩვენებაც, რომელშიც დავით ხახალეიშვილის სპორტული ცხოვრების განსაკუთრებით მნიშვნელოვანი მომენტებია აღბეჭდილი.
სიახლეები
- "საქართველო ჩამოდგა რუსთაველზე საქართველოს გადასარჩენად" - თაკო ჩარკვიანი
- "ივანიშვილის უძლეველობის მითი დანგრეულია" - გიორგი გახარია
- "არა რუსეთს და არა ყველაფერს, რაც საქართველოს რუსეთისკენ მიაქანებს, საქართველოს გზა ევროპაშია"- ბუდუ ზივზივაძე
- Anonymous-ი აცხადებს, რომ საქართველოს შს სამინისტროს ვებგვერდი გატეხა
- "არაფერია იმაზე მნიშვნელოვანი, ვიდრე ქვეყანა, თავისუფლება საქართველოს და არა ძალადობას, არა რუსეთს!" - გიორგი ქოჩორაშვილი