ქუთაისის მერიაში აცხადებენ, რომ ,,ალმა რუსმა'' ,,თეთრი ხიდის'' სარეაბილიტაციო სამუშაოები უხარისხოდ შეასრულა
ქუთაისის მერიაში კომპანია ,,ალმა რუსთან’’ ხელშეკრულების შეწყვეტის მიზეზებს განმარტავენ.
ინფრასტრუქტურის სამსახურის უფროსის - ბექა ყურაშვილის თქმით, კომპანიამ ,,თეთრი ხიდის’’ სარეაბილიტაციო სამუშაოები სრულყოფილად და ხარისხიანად ვერ შეასრულა, რის გამოც მერიის მიერ გადარიცხული თანხის ნაწილი სახელმწიფო ხაზინაში უნდა დააბრუნოს.
,,საქართველოს კანონის 361-ე მუხლის მე-2 ნაწილის თანახმად, კომპანია ვალდებულია სამუშაოები ჯეროვნად და კეთილსინდისიერად შეასრულოს. გამომდინარე იქედან, რომ სამუშაოები ჯეროვნად შესრულებული არაა, კომპანიას ხელშეკრულება შეუწყდა. მონიტორინგის ჯგუფს ხარისხთან დაკავშირებითაც აქვს პრეტენზიები. მდგრადობაზე და უსაფრთხოებაზე მათთან შენიშვნები არ გვაქვს, მაგრამ ხარისხით უკმაყოფილო ვართ. წვიმის შედეგად, ხიდზე ლაქის ერთი ფენა სრულად წაიშალა. რაც შეეხება საჯარიმო სანქციებს, გადარიცხული 290 ათასი ლარიდან სახელმწიფო ხაზინაში 185 ათასი ლარი უნდა დააბრუნოს. აქედან 174 ათასი ლარი არის პირგასამტეხლო, ხოლო 11 ათას ლარამდე კომპანიისთვის დაკისრებულ ჯარიმებს უწევს''-განაცხადა ბექა ყურაშვილმა.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი