"სასამართლოში არსებულ დავას კიდევ დაემატება ერთი პრობლემური ნაწილი"- ქუთაისის მერი თეთრი ხიდის დაზიანებაზე
ქუთაისში, თეთრ ხიდზე დაზიანებული მინის ფაქტზე გამოძიება მიმდინარეობს.
საქმეში უკვე ჩართულია საგამოძიებო უწყებები და მიმდინარეობს დეტალების გარკვევა. ასევე შემოწმდება, ყველა ახლო მდებარე ობიექტზე განთავსებული კამერის ჩანაწერები რათა მოხდეს დაზუსტება რა გარემოებაში მოხდა ხიდზე, მინის დაზიანება.
თეთრ ხიდზე ქუთაისის მერი გიორგი ჭიღვარია იმყოფებოდა და სიტუაციას ადგილზე გაეცნო.
,,შეგახსენებთ, რომ ჩვენ ჩავრთეთ პოლიცია, მიმდინარეობს გამოძიება, რომლის დასრულების შემდეგ გვექნება ინფორმაცია თუ რა მოხდა, სპეციალურად არის ჩატეხილი თუ არა. დაველოდოთ გამოძიებას და გავიგოთ, რეალურად, რამ გამოიწვია დაზიანება. ჩვენ ვესაუბრეთ შემსრულებელი კომპანიის წარმომადგენელს, მანაც იგივე აღნიშნა, რომ თუ სპეციალურად არ დაზიანდა, ისე დაზიანება გამორიცხულია. თუ გამოვლინდა, რომ არ არის დაზიანებული სპეციალურად, მაშინ ხიდის შემსრულებელთან, რომელთანაც შეწყვეტილი გვაქვს ხელშეკრულება, სასამართლოში არსებულ დავას კიდევ დაემატება ერთი პრობლემური ნაწილი. ხიდზე მხოლოდ დამცავი ფენაა დაზიანებული, მაგრამ ჩვენ უსაფრთხოების მიზნით ხიდის ნაწილი გადავკეტეთ,"-განაცხადა გიორგი ჭიღვარიამ.
სიახლეები
- "საქართველო გზაგასაყარზეა - ის ევროპისკენ გზაზე უნდა დარჩეს" - ურსულა ფონ დერ ლაიენი
- "გულანთებულ ახალგაზრდებს მივმართავ, რომ რაღაცები არ არის საჭირო, დაანებეთ თავი პარლამენტის კარს, იქ არაფერი აღარ ხდება"
- "ვინც ამბობს, რომ ეს კანონი რუსულია, არა მარტო იტყუება, არამედ ცრუპენტელობს" - პრემიერი
- "დროა, პოლიტიკური კრიზისიდან მშვიდობიანი გამოსავლის საძიებლად, ურთიერთობებმა გადაინაცვლოს ქუჩიდან მოლაპარაკების მაგიდასთან"- საპატრიარქო
- "დღეს ქვეყანა გადასარჩენია" - თბილისში დაგეგმილ აქციას ქუთაისიდანაც შეუერთდნენ