იოსებ ხახალეიშვილმა ქუთაისის საერთაშორისო უნივერსიტეტის უცხოელ პროფესორებს უმასპინძლა
ქუთაისის მერმა იოსებ ხახალეიშვილმა ქუთაისის საერთაშორისო უნივერსიტეტის უცხოელ პროფესორებს ვიქტორ ფიშერსა და ანდრეას დიტშეს უმასპინძლა.
შეხვედრას ესწრებოდა ქუთაისის საერთაშორისო უნივერსიტეტის ადამიანური კაპიტალის განვითარების მენეჯერი ნინო თვალთვაძე.
უცხოელი პროფესორები გერმანულ კომპანია „Cleenr”-ს წარმოადგენენ, რომელიც Smart –Eco City პორტფელის ჯგუფს გარკვეულ დახმარებას გაუწევს.
შეხვედრაზე ისაუბრეს სხვა ქალაქების გამოცდილების გაზიარებაზე. თუ რა თანამედროვე ტექნოლოგიები და მიდგომები გამოიყენება ამ მიმართულებით. საუბარი ასევე შეეხო დაგეგმილ აქტივობებს, რომელიც პორტფელის ფარგლებში მუშავდება.
ევროკავშირისა და გაეროს განვითარების პროგრამის (UNDP) ერთობლივი ინიციატივის „მერები ეკონომიკური ზრდისთვის“ (M4EG) ფარგლებში მიმდინარე პროექტი "ქუთაისი სმარტ-ეკო ქალაქი" გულისხმობს ნარჩენების მართვის, გარემოს დაცვის, ენერგოეფექტურობის, ტრანსპორტის და გამწვანების სექტორებში ინოვაციების დანერგვას, რომელიც ხელს შეუწყობს ქუთაისს, რომ სმარტ გადაწყვეტილებებით და სისტემური მიდგომებით, გახდეს ჯანსაღი და კომფორტული საცხოვრებელი ქალაქი.
სიახლეები
- "სანქციები რომ დააკისრონ ქვეყანას და ხალხს, ეს მიდგომა არასწორია"- ირაკლი ღარიბაშვილი
- "თურქეთი საქართველოს ევროატლანტიკურ სივრცეში გაწევრიანების მომხრედ რჩება და როგორც ადრე, ახლაც ისტორიის სწორ მხარეს დგას"
- პრეზიდენტმა „უცხოური გავლენის გამჭვირვალობის შესახებ” კანონს ვეტო დაადო
- "გავიგე, რომ ნატა ფერაძეს ოჯახთან ერთად მოუწია ქვეყნის დატოვება, რადგან დაჭერას უპირებდნენ სახელმწიფო გადატრიალების ბრალდებით"
- "პრეზიდენტად წოდებულს, ქალბატონს, რომ არ აინტერესებს კონსტიტუცია, ქვეყნის ინტერესები, ცხადი" - ირაკლი ღარიბაშვილი