იმერეთის 3 მუნიციპალიტეტში კომუნალური ინფრასტრუქტურის მოსაწყობად დაახლოებით 165 მილიონი ევრო დაიხარჯება
იმერეთში სახელმწიფო რწმუნებული ზვიად შალამბერიძე გერმანიის განვითარების ბანკის (KFW), საერთაშორისო საკონსულტაციო კომპანიისა (Fichtner Water & Transportation GmbH) და საქართველოს გაერთიანებული წყალმომარაგების კომპანიის წარმომადგენლებს შეხვდა.
მხარეებმა იმერეთის სამი მუნიციპალიტეტის (ვანი, ბაღდათი, სამტრედია) წყალმომარაგებისა და წყალარინების პროექტის მიმდინარეობის შესახებ იმსჯელეს.
იმერეთის მუნიციპალიტეტებში, კერძოდ, სამტრედიაში, ვანსა და ბაღდათში განახლებული კომუნალური ინფრასტრუქტურის მოწყობისთვის საპროექტო სამუშაოები აქტიურ ფაზაშია და იგეგმება სამუშაოების შესყიდვის ტენდერის გამოცხადება.
"კომუნალური ინფრასტრუქტურა გარემოსა და ტურიზმის განვითარებისთვის“ - ასე ქვია პროექტს, რომელიც იმერეთის სამ მუნიციპალიტეტში, საქართველოს მთავრობის და გერმანიის განვითარების ბანკის (KFW) ფინანსური მხარდაჭერით ხორციელდება. პროექტის ღირებულება სამივე მუნიციპალიტეტში დაახლოებით 165 მილიონ ევროს შეადგენს.
პროექტის მიხედვით, აღნიშნულ ქალაქებში განხორციელდება თანამედროვე სტანდარტების შესაბამისი წყალმომარაგების ქსელების მშენებლობა/რეაბილიტაცია. ასევე, გარემოზე ზემოქმედების შემცირების მიზნით, მოეწყობა წყალარინების ქსელებისა და გამწმენდი ნაგებობების მშენებლობა.
აღნიშნული სამუშაოების განხორციელების შედეგად, იმერეთის სამივე ქალაქი გარკვეულწილად უზრუნველყოფილი იქნება საერთაშორისო სტანდარტებისა და ხარისხისხიანი წყალმომარაგებით, რაც ადგილობრივი მოსახლეობის ცხოვრების დონესა და ეკოლოგიურ მდგომარეობას საგრძნობლად გააუმჯობესებს.
შეხვედრას ასევე ესწრებოდნენ: ვანის მერი ალექსანდრე გოგორიშვილი, ბაღდათის მერი კახა ენუქიძე და სამტრედიის მერი დავით ბახტაძე.
სიახლეები
- "სანქციები რომ დააკისრონ ქვეყანას და ხალხს, ეს მიდგომა არასწორია"- ირაკლი ღარიბაშვილი
- "თურქეთი საქართველოს ევროატლანტიკურ სივრცეში გაწევრიანების მომხრედ რჩება და როგორც ადრე, ახლაც ისტორიის სწორ მხარეს დგას"
- პრეზიდენტმა „უცხოური გავლენის გამჭვირვალობის შესახებ” კანონს ვეტო დაადო
- "გავიგე, რომ ნატა ფერაძეს ოჯახთან ერთად მოუწია ქვეყნის დატოვება, რადგან დაჭერას უპირებდნენ სახელმწიფო გადატრიალების ბრალდებით"
- "პრეზიდენტად წოდებულს, ქალბატონს, რომ არ აინტერესებს კონსტიტუცია, ქვეყნის ინტერესები, ცხადი" - ირაკლი ღარიბაშვილი