„მოხარული ვარ, რომ დღეს შევხვდით ჩვენი ქვეყნის სხვადასხვა ეროვნების ახალგაზრდებს" - იოსებ ხახალეიშვილი
ქუთაისის მერი იოსებ ხახალეიშვილი საქართველოს მოქალაქე სხვადასხვა ეროვნების ახალგაზრდებს შეხვდა, რომლებიც ზურაბ ჟვანიას სახელობის სახელმწიფო ადმინისტრირების სკოლაში გადიან სასწავლო კურსს.
სახელმწიფო ენის სწავლებისა და ინტეგრაციის პროგრამის ფარგლებში, სასწავლო კურსში ,,ეთნიკური უმცირესობების წარმომადგენელი ახალგაზრდების ინტეგრაცია“ 30 ახალგაზრდაა ჩართული ახალციხის, ახალქალაქის, ნინოწმინდის, ლაგოდეხისა და ახმეტის მუნიციპალიტეტებიდან.
სასწავლო კურსის მიზანია ეთნიკური უმცირესობების წარმომადგენელი ახალგაზრდების სამოქალაქო ინტეგრაციის ხელშეწყობა, სამოქალაქო საკითხებთან დაკავშირებით ცნობიერების ამაღლება და უცხო გარემოში სწრაფი ადაპტაციის უნარების განვითარება.
იოსებ ხახალეიშვილი და სსიპ ზურაბ ჟვანიას სახელობის სახელმწიფო ადმინისტრირების სკოლის დირექტორი ქეთევან ჯაყელი ახალგაზრდებს ქუთაისის როლსა და მნიშვნელობაზე, ქალაქში განხორციელებულ და მიმდინარე პროექტებზე ესაუბრნენ.
„მოხარული ვარ, რომ დღეს შევხვდით ჩვენი ქვეყნის სხვადასხვა ეროვნების ახალგაზრდებს, რომლებიც საინტერესო პროექტის ფარგლებში იმყოფებიან ჩვენს ქალაქში.
ეთნიკური უმცირესობის წარმომადგენლებთან ვისაუბრე მიღწევებსა და გამოწვევებზე, ჩვენს გამოცდილებაზე, იმ შესაძლებლობებზე, რომელსაც ქუთაისი, როგორც საუნივერსიტეტო ქალაქი სთავაზობს ყველა ახალგაზრდას.
პროექტის მონაწილეები 10 დღეს გაატარებენ ქუთაისში და იმედი მაქვს, ეს დღეები დაუვიწყარი იქნება მათთვის.
მადლობა მინდა ვუთხრა ჟვანიას სკოლის ადმინისტრაციას ამ საინტერესო შეხვედრის ორგანიზებისთვის.“- განაცხადა იოსებ ხახალეიშვილმა.
სიახლეები
- "გარედან თავსმოხვეული ე.წ. პოლარიზაციის დაძლევა არის ჩვენი პასუხისმგებლობა ქართველი ხალხის წინაშე, რომელმაც ქვეყნის მართვის მანდატი უკვე რვაჯერ მოგვანიჭა"
- "ვაფრთხილებ რადიკალური ოპოზიციის ძალადობრივი დაჯგუფებების თითოეულ წევრს, ძალადობისთვის კანონის წინაშე ყველა უმკაცრესად აგებს პასუხს"
- "ჩვენი ქვეყანა თავისი განვითარების ერთ-ერთ რთულ მონაკვეთს გადის, მშვიდობა ყველას გვინდა, მაგრამ მისი მიღწევა ხშირად გვიჭირს, რადგან არ ვიქცევით სწორად"
- "გუშინდელი აქცია იყო უფრო ხალხმრავალი, ვიდრე „მაიდნებზე“ უკრაინაში, „ეროვნული მოძრაობის“ გარიჟრაჟზე 9 აპრილს და „ვარდების რევოლუციის“ დროსაც კი"
- "ამოცანა გვეკითხება: რამდენი ადამიანი ეტევა 9 ათას კვადრატულზე? - აბა, მარტივი IQ ტესტი" - ნინო წილოსანი