ჭიათურაში, გიორგაძის ქუჩისა და საჩხერის გზატკეცილზე მდებარე კორპუსების რეაბილიტაცია დასრულდა

ჭიათურაში, გიორგაძის ქუჩისა და საჩხერის გზატკეცილზე მდებარე კორპუსების რეაბილიტაცია დასრულდა.

პროექტის ფარგლებში, გარემონტდა გიორგაძის ქუჩის - 8, ხოლო საჩხერის გზატკეცილის – 6 კორპუსი. გაილესა შენობები, შეიღება ფასადები, მოეწყო აივნები და აღდგა კარნიზები. ასევე, ეზოში დამონტაჟდა სავარჯიშო ტრენაჟორები. დასრულებული სამუშაოები იმერეთში სახელმწიფო რწმუნებულმა შავლეგო ტაბატაძემ, ჭიათურის ადგილობრივ ხელისუფლებასთან და მაჟორიტარ დეპუტატთან ერთად დაათვალიერა. ასევე, შეხვდა მოსახლეობას და მათგან მოისმინა ინფორმაცია დროულად განსახორციელებელი ინფრასტრუქტურული პროექტების შესახებ, რომელიც მათთვის პრიორიტეტია. მხარის რწმუნებულმა ჭიათურის მუნიციპალიტეტში სხვა მიმდინარე ინფრასტრუქტურული პროექტებიც დაათვალიერა, მათ შორის გაეცნო წყალმომარაგების კუთხით მიმდინარე სამუშაოებს, რომლის დასრულების შემდეგაც მუნიციპალიტეტში 24 საათიანი წყალმომარაგება იქნება. პროექტს აზიის განვითარების ბანკი 36 631 493 ლარით აფინანსებს.

წაკითხვა 910 ჯერ განახლდა განახლდა მარტი 14 2019
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.