ქუთაისის მერიაში უცხოელ პარტნიორებს უმასპინძლეს
ქუთაისის მერმა იოსებ ხახალეიშვილმა და მერის მოადგილემ თამარ დახუნდარიძემ ჩინეთის განვითარების ინსტიტუტის CDI-ის ვიცე-პრეზიდენტთან კუ ჯიანთან, აზიის განვითარების ბანკის ურბანული განვითარების უფროს სპეციალისტთან მარია პია ანკორასთან და რეგიონული განვითარებისა და დაგეგმვის დეპარტამენტის წარმომადგენელთან გაცნობითი ხასიათის შეხვედრა გამართეს. ამის შესახებ ინფორმაციას ქუთაისის მერია ავრცელებს.
მათივე ცნობით, CDI-ს ინოვაციური სისტემები საერთაშორისო ინდუსტრიული პარკის დეველოპერებს სტრატეგიულ დაგეგმვასა და მდგრად განვითარებაში ეხმარება, ხელს უწყობს გლობალურ ეკონომიკურ ზრდას და საერთაშორისო თანამშრომლობას.
„იოსებ ხახალეიშვილმა სტუმრებს გააცნო ქუთაისში მიმდინარე საერთაშორისო პროექტები, ისაუბრა ქუთაისისა და ჩინეთის დამეგობრებული ქალაქების (სიანი, ნანჩანგი) პარტნიორულ ურთიერთობებზე. შეხვედრაზე განიხილეს სამომავლო თანამშრომლობის საკითხები.
ქუთაისის მერმა და მერის მოადგილემ, ასევე, უმასპინძლეს საფრანგეთის განვითარების სააგენტოს წარმომადგენლებს.
სააგენტო ევროპის საინვესტიციო ბანკთან ერთად ახორციელებს მისიას საქართველოში, რაც გულისხმობს ურბანული პროექტების დაფინანსებაზე ინიციატივის წარდგენას აღმოსავლეთ პარტნიორობის ქვეყნებში. სტუმრებმა ისაუბრეს იმ პროექტების შესახებ, რომლებიც 5 ქვეყანაში (საქართველო, უკრაინა, აზერბაიჯანი, სომხეთი და მოლდოვა) ხორციელდება, განიხილეს სამიზნე მუნიციპალიტეტების ტექნიკური მხარდაჭერის გეგმა. ქალაქის მერმა სტუმრებს მიაწოდა ინფორმაცია ქუთაისის პოტენციალზე სხვადასხვა მიმართულებით, ქალაქში მიმდინარე საერთაშორისო პროექტებზე. ისაუბრეს სამომავლო გეგმებზე, მათ შორის, ქუთაისის მულტიფუნქციურ ცენტრად და საერთაშორისო ლოჯისტიკურ ჰაბად (ე.წ. „დიდი ქუთაისი - big Kutaisi" ) ჩამოყალიბების შესახებ“, - ნათქვამია ინფორმაციაში.
სიახლეები
- "შეგვიძლია ვეტოს პროცედურა გამოვიყენოთ ცვლილებებისთვის" - ირაკლი კობახიძე
- "მეთოდები, რომლებსაც დღეს ქუჩებში მშვიდობიანი დემონსტრანტების წინააღმდეგ იყენებენ, ძალიან რუსული, დაშინების მეთოდია" - პრეზიდენტი
- პარლამენტთან აქციაზე ევროკავშირის რამდენიმე წევრი ქვეყნის პარლამენტის საგარეო საქმეთა კომიტეტების თავმჯდომარეები მივიდნენ
- ქუთაისის მუნიციპალიტეტში ქალების ავტობუსის მძღოლებად მომზადების კურსებზე მიღება იწყება
- "გამჭვირვალობის კანონი ქმნის მტკიცე გარანტიებს გრძელვადიანი მშვიდობის უზრუნველსაყოფად და ე.წ. პოლარიზაციის დასაძლევად, რაც ევროკავშირში ინტეგრაციის აუცილებელი პირობაა"