March 28, 2024

"ხალხს მაღაზიები აქვს გახსნილი, მაგრამ მყიდველი არავინაა" - რეპორტაჟი ანაკლიიდან, რომელიც ზაფხულამდე უკაცრიელი ქალაქია

ზუგ­დი­დი­დან ანაკ­ლი­ის ცენ­ტრის­კენ მივ­დი­ვარ.

გარ­შე­მო ყვე­ლა დე­ტალს ვაკ­ვირ­დე­ბი, რომ არ გა­მომ­რჩეს, რა შე­იც­ვა­ლა შარ­შან­დელ­თან შე­და­რე­ბით ქა­ლაქ ანაკ­ლი­ა­სა და სპე­ცი­ა­ლურ ეკო­ნო­მი­კურ ზო­ნა­ში, რო­მელ­საც მე­დია და ხე­ლი­სუფ­ლე­ბა სა­უ­კუ­ნის პრო­ექ­ტის - ანაკ­ლი­ის ღრმა­წყლო­ვა­ნი პრო­ექ­ტის ნა­წი­ლად აღიქ­ვამს.

სო­ფელ დარ­ჩე­ლი­დან გზა ცო­ტა­თი გა­უ­ფარ­თო­ვე­ბი­ათ. ადრე ისე­თი ვიწ­რო ორ­მხრი­ვი გზა იყო, ჩვენს წინ და­ბა­ლი სიჩ­ქა­რით მი­მა­ვალ ტრა­ი­ლერს, ღერ­ძუ­ლა ხა­ზის დას­რუ­ლე­ბამ­დე რამ­დე­ნი­მე ავ­ტო­მან­ქა­ნის­გან შემ­დგა­რი კო­ლო­ნა გაბ­მუ­ლი სიგ­ნა­ლით მიყ­ვე­ბო­და...

 

ანაკ­ლი­ამ­დე, რამ­დე­ნი­მე კი­ლო­მეტ­რი­ა­ნი გზა ფარ­თოვ­დე­ბა, ტრო­ტუ­ა­რე­ბი კეთ­დე­ბა და საგ­ზაო ნიშ­ნებ­საც შეხ­ვდე­ბით, რაც გარ­კვე­ულ იმედს აჩენს, რომ იმ ად­გი­ლას, სა­დაც ხე­ლი­სუფ­ლე­ბის და­ა­ნონ­სე­ბით, ქა­ლა­ქი უნდა აშენ­დეს - პრო­ექ­ტის მშე­ნებ­ლო­ბა სა­ი­მე­დო ეტაპ­ზეა...

ცენ­ტრამ­დე ისე მი­ვე­დით, მხო­ლოდ რამ­დე­ნი­მე ადა­მი­ა­ნი და თითო-ორო­ლა ავ­ტო­მან­ქა­ნა შეგ­ვხვდა. გზის პირ­ზე ახალ­გაზ­რდა ბიჭი მშე­ნებ­ლებ­თან დე­ტა­ლებს ათან­ხმებ­და, თუმ­ცა, მე­დი­ის ხსე­ნე­ბა­ზე თავი ღი­მი­ლით ამა­რი­და და ჩემს უკან მო­მა­ვა­ლი ქა­ლე­ბის­კენ მი­მი­თი­თა: კადრში გა­მო­ჩე­ნა არ მსურს და აჯო­ბებს, მათ გა­ე­სა­უბ­რო­თო. პი­რად სა­უ­ბარ­ში მე­უბ­ნე­ბა, რომ კერ­ძო სას­ტუმ­როს აშე­ნებს და მისი დას­რუ­ლე­ბა სე­ზო­ნის და­წყე­ბამ­დე უნდა მო­ას­წროს...

არც ქა­ლე­ბი გა­მო­ირ­ჩე­ვი­ან დიდი აქ­ტი­უ­რო­ბით, თუმ­ცა, სი­ნა­ნუ­ლით მე­უბ­ნე­ბი­ან, რომ არა­ფე­რი კეთ­დე­ბა, მე­ტიც, წლე­ბის წინ გა­კე­თე­ბუ­ლიც ფუჭ­დე­ბა და აქა­უ­რო­ბას ახა­ლი არა­ფე­რი ემა­ტე­ბა...

ჩემს გვერ­დით, ერთ-ერთი სას­ტუმ­როს ეზოს­თან, გო­გო­ნა და ბიჭი პინგ-პონგს თა­მა­შო­ბენ, მაგ­რამ მთხო­ვენ, არ გა­და­ვუ­ღო...

“სულ ეს არის ჩვე­ნი გა­სარ­თო­ბი ზა­ფხუ­ლის სე­ზო­ნამ­დე. სას­ტუმ­რო მუ­შა­ობს - ხან­და­ხან სე­მი­ნა­რებ­სა და ტრე­ნინ­გებს მას­პინ­ძლობს. მა­გა­ლი­თად, ახ­ლა­ხანს მცი­რე სა­ო­ჯა­ხო სას­ტუმ­რო­ე­ბის გან­ვი­თა­რე­ბის კუ­თხით ტრე­ნინ­გი ჩა­ტარ­და და სტუმ­რე­ბიც ჰყავ­დათ", - მე­უბ­ნე­ბა გო­გო­ნა.

ერთ-ერთი სას­ტუმ­როს ეზო­ში შევ­დი­ვარ. ტრე­ნინ­გი უკვე დას­რუ­ლე­ბუ­ლია. ეზო­ში მყო­ფი მა­მა­კა­ცე­ბი თავს მა­რი­დე­ბენ, - არ­ჩევ­ნე­ბი კარს არის მომ­დგა­რი და ზედ­მე­ტი თა­ვის ტკი­ვი­ლი არ გვჭირ­დე­ბაო...

ანაკ­ლი­ის გამ­გე­ბელს გელა ლე­მონ­ჯა­ვას ვუ­რე­კავ, რათა ამიხ­სნას, რა კეთ­დე­ბა ან მო­მა­ვალ­ში რისი გა­კე­თე­ბა იგეგ­მე­ბა ანაკ­ლი­ა­ში. მპა­სუ­ხობს, რომ უკვე და­ტო­ვა იქა­უ­რო­ბა და სამ­წუ­ხა­როდ, არც არა­ვინ ჰყავს ისე­თი, ვინც ამ ყვე­ლა­ფერ­ზე მე­სა­უბ­რე­ბა...

იურ­მა­ლას სა­ხე­ლო­ბის ბულ­ვარ­ში გავ­დი­ვარ. ამინ­დი ფუჭ­დე­ბა, წვი­მას აპი­რებს და ვცდი­ლობ, ბევ­რი რა­მის ნახ­ვა და გა­და­ღე­ბა მო­ვას­წრო. პირ­და­პირ ზღვის პირ­ზე, და­უმ­თავ­რე­ბე­ლი შე­ნო­ბა ჩანს, - სას­ტუმ­რო უნდა ყო­ფი­ლი­ყო, მაგ­რამ ად­გი­ლობ­რი­ვე­ბი ხუმ­რო­ბით “არა­შენ­დას” ეძა­ხი­ან და ამ­ბო­ბენ, რომ გარ­შე­მო არა­ერ­თი ასე­თი და­უს­რუ­ლე­ბე­ლი პრო­ექ­ტია.

დამსკდარ ას­ფალტზე ბა­ლა­ხია ამო­სუ­ლი, ბულ­ვა­რი მო­უვ­ლე­ლია, პალ­მე­ბი ან გა­და­ტე­ხი­ლია ან სა­ნა­ხევ­როდ გამ­ხმა­რი... გარ­შე­მო პი­რუ­ტყვი და მა­წან­წა­ლა ძაღ­ლე­ბი და­სე­ირ­ნო­ბენ. მი­ჭირს იმის და­ჯე­რე­ბა, რომ რამ­დე­ნი­მე თვე­ში, იქა­უ­რო­ბა გარ­თო­ბის მოყ­ვა­რუ­ლი ადა­მი­ა­ნე­ბის ჟრი­ა­მუ­ლით უნდა აივ­სოს. უფრო სწო­რად, ვერ ვხე­დავ შე­სა­ბა­მის ინფრას­ტრუქ­ტუ­რას, რის­თვი­საც ად­გი­ლობ­რივ ან სუ­ლაც უცხო­ელ ვი­ზი­ტორს იქ ფუ­ლის და­ხარ­ჯვა მო­უნ­დე­ბა და არც იმის ილუ­ზია მაქვს, რომ ხე­ლი­სუფ­ლე­ბა “ჯა­დოს­ნუ­რი ჯო­ხის” აქ­ნე­ვით იქა­უ­რო­ბას ერთ დღე­ში ევ­რო­პულ კუ­რორ­ტად აქ­ცევს.

არა­და, აქე­დან რამ­დე­ნი­მე კი­ლო­მეტრში აფხა­ზე­თია და ენ­გურსგაღ­მე­ლი მო­სახ­ლე­ო­ბა, გან­სა­კუთ­რე­ბით გარ­თო­ბას მო­წყუ­რე­ბუ­ლი ახალ­გაზ­რდე­ბი ნე­ბის­მი­ერ ღო­ნის­ძი­ე­ბას დიდი ინ­ტე­რე­სით აკ­ვირ­დე­ბი­ან... უფ­რო­სი თა­ო­ბა კი ემო­ცი­უ­რად გა­ნი­ხი­ლავს პორ­ტის მშე­ნე­ბე­ლო­ბის სა­კითხს.

ანაკ­ლი­ის მკვიდ­რი, დათა შე­ლია, რო­მე­ლიც გა­სულ წელს პარ­ტია “ნა­ცი­ო­ნა­ლუ­რი მოძ­რა­ო­ბის” მა­ჟო­რი­ტარ დე­პუ­ტა­ტად იყ­რი­და კენ­ჭს, ლა­მის ერ­თა­დერ­თია, ვინც ღიად სა­უ­ბარს თავს არ არი­დებს. ამ­ბობს, რომ სა­ბავ­შვო ბაღი და სა­გან­გე­ბო სი­ტუ­ა­ცი­ე­ბის მარ­თვის სამ­სა­ხუ­რის­თვის შე­ნო­ბა უნდა აშენ­დეს, ოღონდ ამის­თვის არას­წო­რი ად­გი­ლი შე­არ­ჩი­ეს და მათი აშე­ნე­ბა ად­გი­ლობ­რი­ვე­ბის­თვის ერ­თა­დერ­თი თავ­შეყ­რის ად­გი­ლას გა­და­წყვი­ტეს...

"თუმ­ცა, ოღონდ რამე აა­შე­ნონ და ვინ ამო­ი­ღებს ხმას... ჯერ მხო­ლოდ ბა­ნე­რია გა­კე­თე­ბუ­ლი და ამ წლე­ბის გან­მავ­ლო­ბა­ში, ასე­თი ბა­ნე­რე­ბი იმ­დე­ნი გვი­ნა­ხავს, ვინ მოთ­ვლის... და­პა­უ­ზე­ბუ­ლია ყვე­ლა­ფე­რი" - ამ­ბობს ის.

გარ­შე­მო კი­დევ რამ­დე­ნი­მე სა­ო­ჯა­ხო სას­ტუმ­რო შენ­დე­ბა. ყვე­ლა მათ­გან­მა ზღვის სე­ზონ­ზე უნდა იმუ­შა­ოს და არ­სე­ბუ­ლი ინ­ფორ­მა­ცი­ით, ის ადა­მი­ა­ნე­ბი აშე­ნე­ბენ, ვისი მი­წის ნაკ­ვე­თე­ბი ანაკ­ლი­ის პორ­ტის ფარ­გლებ­ში აღ­მოჩ­ნდა და ფი­ნან­სუ­რი კომ­პენ­სა­ცია მი­ი­ღეს...

ზღვის სე­ზო­ნის გარ­და, ანაკ­ლი­ა­ში არა­ფე­რი ხდე­ბა. ამი­ტო­მაც, წე­ლი­წა­დის და­ნარ­ჩე­ნი თვე­ე­ბის გან­მავ­ლო­ბა­ში, მო­სახ­ლე­ო­ბა ცდი­ლობს, იმ სამ თვე­ში აღე­ბუ­ლი შე­მო­სავ­ლით გა­ი­ტა­ნოს თავი.

“ადრე თხი­ლის მო­სა­ვა­ლიც გვეხ­მა­რე­ბო­და, ახლა ფა­რო­სა­ნამ და სო­კო­ვან­მა და­ა­ვა­დე­ბამ ეს იმე­დი მოგ­ვის­პო... ხალ­ხს მა­ღა­ზი­ე­ბი აქვს გახ­სნი­ლი, მაგ­რამ მყიდ­ვე­ლი, თითო-ორო­ლა ადა­მი­ა­ნის გარ­და არა­ვი­ნაა და რა აზრი აქვს?" - ამ­ბობს ად­გი­ლობ­რი­ვი, 57 წლის ნა­ი­რა.

იმ მხა­რეს მივ­დი­ვართ, სა­დაც პორ­ტი უნდა აშენ­დეს. რაც უფრო ვშორ­დე­ბით ცენ­ტრს, სა­დაც აქა-იქ გახ­სნი­ლი მარ­კე­ტე­ბი, მშე­ნე­ბა­რე ობი­ექ­ტე­ბი და მან­ქა­ნე­ბი სი­ცო­ცხლის ნი­შან­წყალს ქმნის, უფრო მეტ მო­უვ­ლელ და გა­პარ­ტა­ხე­ბულ ინფრას­ტრუქ­ტუ­რას ვა­წყდე­ბი. ძლი­ერ ქარს მტვრის ნის­ლი მოჰ­ყვე­ბა.

“ეს მი­წაყ­რი­ლი­დან ქა­რის მოხ­ვე­ტი­ლი და ჰა­ერ­ში გა­ფან­ტუ­ლი სი­ლის მტვე­რია. ბოლო ხა­ნებ­ში, რო­გორც კი ძლი­ე­რი ქარი ამო­ვარ­დე­ბა, აქა­უ­რო­ბა გა­და­თეთ­რე­ბუ­ლია. თუ პორ­ტი არ აშენ­და, რამ­დე­ნი­მე­მეტ­რი­ან მი­წაყ­რილ­ზე გაშ­ლილ სი­ლას, ქარი მო­სახ­ლე­ობს მო­აყ­რის და კაც­მა არ იცის, ეს რა და­ა­ვა­დე­ბებს გა­მო­იწ­ვევს... თუმ­ცა, ახლა ისე­თი პირი უჩანს, რომ ყვე­ლა­ფე­რი შე­ჩე­რე­ბუ­ლია" - ამ­ბობს დათა შე­ლია, რომ­ლის თქმი­თაც, ბოლო რამ­დე­ნი­მე დღეა პორ­ტის ტე­რი­ტო­რი­ა­ზე მძი­მე ტექ­ნი­კამ მუ­შა­ო­ბა გა­ა­ჩე­რა, რა­საც ერთი ნა­წი­ლი დღე­სას­წა­უ­ლებს უკავ­ში­რებს, კი­დევ ერთი ვერ­სი­ით, - “პორ­ტის მშე­ნებ­ლო­ბა რა­ღაც დრო­ით გა­და­ი­დო...”

იმ მო­ნაკ­ვე­თი­დან, სა­ი­და­ნაც პორ­ტი იწყე­ბა, პე­რი­მეტრს დაც­ვის პო­ლი­ცია აკონ­ტრო­ლებს და შიგ­ნით შეს­ვლის სა­შუ­ა­ლე­ბა არ გვაქვს... ად­გი­ლობ­რი­ვე­ბის თქმით, ანაკ­ლი­ის, რო­გორც ქა­ლა­ქის აშე­ნე­ბას, მხო­ლოდ იმ შემ­თხვე­ვა­ში აქვს აზრი, თუ პორ­ტი აშენ­და, სხვა შემ­თხვე­ვა­ში იქა­უ­რო­ბა ისე­თი­ვე უკაც­რი­ე­ლი გახ­დე­ბა, რო­გორც წლე­ბის წინ იყო...

ambebi.ge

წაკითხვა 1062 ჯერ

სიახლეები

ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.