ქუთაისის მესხიშვილის თეატრში ფოტოკონკურს „ილოს“ გამარჯვებულების დაჯილდოვების ღონისძიება გაიმართა

ქუთაისის მესხიშვილის თეატრში ფოტოკონკურს „ილოს“ გამარჯვებულების დაჯილდოვების ღონისძიება გაიმართა.

თეატრის ფოიეში გამოიფინა ჟიურის მიერ ფინალისთვის შერჩეული ფოტონამუშევრები. ფოტოკონკურსი, რომელიც ქუთაისის მერიის კულტურის, სპორტის, განათლების და ახალგაზრდობის საქმეთა განოფილების მიერ არის ორგანიზებული, ყოველწლიურია და წელს მეთორმეტედ ჩატარდა. გასული წლიდან მასში მონაწილეობენ არამხოლოდ ქართველი მოყვარული თუ პროფესიონალი ფოტოგრაფები, არამედ ფოტოხელოვანები ქუთაისის დაძმობილებული ქალაქებიდანაც, რის გამოც ფოტოკონკურსი უკვე საერთაშორისო გახდა.

 

კონკურსის შედეგად გამოვლინდნენ გამარჯვებულები: პირველი ადგილის მფლობელი გახდა გიორგი ცხელიშვილი. მეორე ადგილი წილად ხვდა ნიკოლოზ მესხს, ხოლო მესამე ადგილი - სოფიო ბუცხრიკიძეს.

 

ნომინაციაში „ჩემი ქალაქი“ გაიმარჯვა უკრაინის ქალაქ სუმის მკვიდრმა, რომელსაც კუთვნილი პრიზი „ორმაისობის“ დღესასწაულზე გადაეცემა.

 

რუბრიკა „ჩემი ქუთაისის“ -თვის განკუთვნილი პრიზი კი არჩილ გეგენავამ აიღო. გამარჯვებულებს პრიზები გადასცეს ქუთაისის მერმა გიორგი ჭიღვარიამ, ვიცე-მერმა დავით ერემეიშვილმა და ჟიურის თავმჯდომარემ გურამ წიბახაშვილმა.

წაკითხვა 535 ჯერ
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.