March 29, 2024

ქუთაისის მერმა მახვილაძის ქუჩაზე მიმდინარე სამუშაოები დაათალიერა

ქუთაისის მერმა მახვილაძის ქუჩაზე მიმდინარე სამუშაოები დაათალიერა.

 

საგზაო-სარეაბილიტაციო პროექტების ფარგლებში, ქუთაისში ერთდროულად მიმდინარეობს რამდენიმე ქუჩის საგზაო ინფრასტრუქტურის მოწესრიგება. სამუშაოები დაიწყო მახვილაძის ქუჩაზეც. აქ კეთდება როგორც გზის საფარი, ასევე მოეწყობა ტროტუარი და ღვარსადენი სისტემა. გზის რეაბილიტაციის სამუშაო პროცესი ქუთაისის მერმა გიორგი ჭიღვარიამ მოინახულა. პროექტის ღირებულება 900 000 ლარზე მეტია და სარეაბილიტაციო სამუშაოებს ტენდერში გამარჯვებული კომპანია ,,პალადა" ასრულებს. რეაბილიტაცია მაისის ბოლოს დასრულდება.

 

„მახვილაძის ქუჩაზე სარეაბილიტაციო სამუშაოები დიდი ხანია არ ჩატარებულა. ჩვენ მოსახლეობას დავპირდით, რომ წელს აუცილებლად გავაკეთებდით ამ გზას, დავიწყეთ უკვე და მაისის ბოლოს დასრულდება. ამ ეტაპზე ქუთაისში ერთდროულად 30-მდე ინფრასტრუქტურულ პროექტზე მიმდინარეობს სამუშაოები. ეს რიცხვი კიდევ გაიზრდება,“ - განაცხადა ქუთაისის მერმა გიორგი ჭიღვარიამ.

 

ამ დროისთვის ქუთაისის მასშტაბით 30-ზე მეტ ინფრასტრუქტურული პროექტზე მიმდინარეობს სამუშაოები, ეწყობა გზები, სკვერები და დაიწყო სპორტული დარბაზების რემონტი. მიმდინარე წელს ქუთაისში ინფრასტრუქტურისთვის 20 მლნ ლარზე მეტი დაიხარჯება. შეკეთდება შიდა საუბნო და ცენტრალური გზები .

წაკითხვა 479 ჯერ
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.