March 29, 2024

"ყველა პირობა უნდა შევუქმნათ ადგილობრივ მოსახლეობას, რომ ისინი დარჩნენ სახლში"- ზვიად შალამბერიძე

იმერეთში სახელმწიფო რწმუნებულმა ზვიად შალამბერიძემ კორონავირუსის გავრცელების პრევენციის მიზნით განხორციელებული, მიმდინარე და დაგეგმილი ღონისძიებების შესახებ ინფორმაცია მოისმინა.

პოლიციის, პატრულის, საფინანსო, შემოსავლებისა და გარემოს დაცვისა და სოფლის მეურნეობის სამინისტროს, რეგიონული სამსახურების ხელმძღვანელებმა რწმუნებულს დეტალური ინფორმაცია მიაწოდეს რა სამუშაოები ხორციელდება ამ ეტაპზე რეგიონში.

 

შეხვედრას იმერეთში სახელმწიფო რწმუნებულის მოადგილეები და სამსახურების ხელმძღვანელები ესწრებოდნენ.

 

"ძალიან მნიშვნელოვანია რეგიონში ყველა სამსახურის კოორდინირებულად მუშაობა იმისთვის, რომ მინიმუმამდე დავიყვანოთ ვირუსის გავრცელების რისკები. ყველა პირობა უნდა შევუქმნათ ადგილობრივ მოსახლეობას, რომ ისინი დარჩნენ სახლში“, - აღნიშნა ზვიად შალამბერიძემ.

 

რეგიონში უკვე დაიხურა სპორტული დარბაზები, კაფე-რესტორნები, სპაცენტრები და სხვა მსგავსი სახის დაწესებულებები. პრევენციის მიზნით აიკრძალა შიდა სამარშუტო მიკროავტობუსები.

 

კორონავირუსის გავრცელების პრევენციული ღონისძიებების ფარგლებში, აქტიურად მიმდინარეობს სხვადასხვა ობიექტების სადეზინფექციო სამუშაოები. სპეციალური ხსნარით უკვე დამუშავდა, იმერეთის რეგიონში არსებული ყველა სკოლა და საბავშვო ბაღი, სახელოვნებო და სპორტული დაწესებულებები. ყოველდღიურ რეჟიმში სპეციალური ხსნარით მუშავდება საზოგადოებრივი ტრანსპორტი.

 

ასევე, შექმნილია მოხალისეთა ჯგუფები, რომელებიც პირველ ეტაპზე, ჩართული არიან უფასო სასადილოში საკვების უსაფრთხოდ მიწოდების წესების დაცვაში.

წაკითხვა 468 ჯერ
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.