March 28, 2024

ქუთაისში 2 ცხელების ცენტრი მოქმედებს, რომლებიც 24 საათიან რეჟიმში უწევენ კონსულტაციას მოქალაქეებს

ქუთაისის მერის მოვალეობის შემსრულებელი დავით ერემეიშვილი, მერის მოადგილეები ნინო თვალთვაძე და იუზა უგულავა,საკრებულოს ჯანდაცვისა და სოციალურ საკითხთა კომისიის თავმჯდომარე მამუკა რიჟამაძე ქალაქში მოქმედ „ცხელების ცენტრებში“ იმყოფებოდნენ და იქ მომუშავე ოჯახის ექიმების და სხვა მედპერსონალის საქმიანობას გაეცნენ.

 

„ცხელების ცენტრები“ ქვეყანაში 3 აპრილიდან ამოქმედდა და კორონივურსთან ბრძოლის ერთ-ერთ უმნიშვნელოვანეს მიმართულებად იქცა. ქუთაისში ე.წ. „ქოლცენტრები“ მოქმედებს მე-4 შერეულ პოლიკლინიკასა და ქუთაისის ნაზარიშვილის სახელობის საოჯახო მედიცინის ცენტრში, ხოლო ო.ჩხობაძის სახელობის ინვალიდთა და ხანდაზმულთა სამკურნალო-სარეაბილიტაციო კლინიკურ ცენტრში ხდება იმ პაციენტთა სტაციონარული მომსახურება, რომლებმაც 112-ზე დარეკეს და შესაბამისი დახმარება ითხოვეს.

 

თითოეულ მოქალაქეს, რომელიც იგრძნობს კორონავირუსის რომელიმე სიმპტომის არსებობას– სიცხის მატება, სუნთქვის გართულება, ყელის ტკივილი-შეუძლია დარეკოს 112-ზე, რომელიც მას მაშინვე დააკავშირებს მის ოჯახის ექიმთან ან სოფლის ექიმთან. შემდგომ უკვე „ჩეკ ლისტის“ შესაბამისად ტარდება კონსულტაცია. თუ საჭიროა მოქალაქის გადაყვანა სტაციონარზე, მაშინ ის გადაჰყავთ რეგიონულ ცხელების ცენტრებში, სადაც 24 საათიანი მეთვალყურეობის ქვეშ იქნება, შემდეგ მას უტარდება ტესტირება და გადაწყდება სტაციონარში გადაიყვანენ თუ სახლში გაუშვებენ, შესაბამისი რეკომენდაციების გათვალისწინებით. 3 აპრილიდან დღემდე ქუთაისი „ცხელების ცენტრებს“ 400-მდე მოქალაქემ მიმართა და მათ შესაბამისი კვალიფიციური დახმარება აღმოუჩინეს. „ცხელების ცენტრებში“ ქუთაისის ადგილობრივი ხელისუფლების პირველი პირების ვიზიტი ერთგვარი თანადგომის ჟესტიც იყო იქ მომუშავე მედპერსონალის მიმართ.

წაკითხვა 470 ჯერ
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.