ქუთაისში მცხოვრებ ბოშათა ოჯახებს საკვები პროდუქტები და ჰიგიენური საშუალებები გადაეცათ
ქუთაისში მცხოვრებ ბოშათა ოჯახებს საკვები პროდუქტები და ჰიგიენური საშუალებები ქუთაისის მერის მოვალეობის შემსრულებელმა დავით ერემეიშვილმა და მოადგილე ნინო თვალთვაძემ მიუტანეს.
ეს შესაძლებელი გახდა საქართველოს მთავრობის ადმინისტრაციის ინიციატივით, შერიგებისა და სამოქალაქო თანასწორობის საკითხებში სახელმწიფო მინისტრის აპარატის და UNICEF-ის (გაეროს ბავშვთა ფონდის) ფინანსური მხარდაჭერით.
„კორონავირუსის გავრცელებასთან დაკავშირებული პრევენციული ღონისძიებები მაქსიმალურად უნდა გავითვალისწინოთ. დღეს ბოშათა ოჯახებს ვესტუმრეთ და გავაცანით ის რეკომენდაციები, რაც აუცილებლად უნდა დაიცვან. იმის გამო, რომ მათ არ აქვთ ყოველდღიური შემოსავალი, მოვუტანეთ სურსათი და ჰიგიენური საშუალებები, რათა დარჩნენ სახლში და დაიცვან შესაბამისი წესები.“ - აცხადებს ქუთაისის მერის მოვალეობის შემსრულებელი დავით ერემეიშვილი.
ამანათები საცხოვრებელ ადგილებზე ბოშათა 30-მდე ოჯახს მიუტანეს.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი