ქუთაისში, ქალთა ისტორიული მიღწევებისა და თანამედროვე გამოწვევების შესახებ, საერთაშორისო კონფერენცია გაიმართა
ქუთაისის დემოკრატიული ჩართულობის ცენტრში, საზოგადოებრივმა მოძრაობამ ,,ქალები კეთილდღეობისა და სიკეთისთვის’’, საერთაშორისო კონფერენცია გამართა. ,,ქალთა ისტორიული მიღწევები და თანამედროვე გამოწვევები’’- ამ თემაზე ორგანიზაციის წარმომადგენლებმა საზოგადოებას პოლიტიკურ პროცესებში ქალთა აქტიური ჩართულობის ისტორიული ფაქტები შეახსენეს და მომავლის განვითარების პექრსპექტივებზე ისაუბრეს.
,,კონფერენცია ქალების ისტორიულ მონაპოვარსა და თანამედროვე გამოწვევებს ეხება, განვიხილავთ ქალების პრობლემებს. ვიმსჯელეთ იმის შესახებ რა ისტორიული მონაპოვარი გვქონდა ამ მხრივ და რაზე უნდა დავაშენოთ მომავლის განვითარების გეგმა, რა იყო წარსულის საუკეთესო გამოცდილება და რა უნდა ავიღოთ მისგან. ქალთა აქტივობების შესახებ ისეთი ისტორია გვაქვს, რომელიც ევროპის წამყვან ქვეყნებსაც შეშურდებათ. იმედი მაქვს ამ საქმიანობაში ქუთაისის მოსახლეობაც ჩაერთვება და ერთად ბევრ კეთილ საქმეს გავაკეთებთ,"-აღნიშნა Firstnews.ge-თან საუბარში საზოგადოებრივი მოძრაობა ,,ქალები კეთილდღეობისა და სიკეთისთვის’’ თავმჯდომარემ – ირმა პეტრიაშვილმა.
შეხვედრას არასამთავრობო სექტორის, მედიის წარმომადგენლები, უცხოეთიდან მოწვეული სტუმრები და სხვა დაინტერესებული პირები ესწრებოდნენ. ისრაელიდან მოწვეული სტუმრის, იარონ შამირის თქმით, საქართველოში ქალთა უფლებები სათანადო დონეზე დაცული ჯერ კიდევ არ არის.
,,ამ მხრივ ისრაელში შედარებით უკეთესი მდგომარეობაა. 5 ძირითადი პარტიის ხელმძღვანელი ქალია. ისრაელის ეროვნული ბანკის და ორი დიდი კერძო ბანკის ხელმძღვანელებიც ქალები არიან. ჩვენ ამ მხრივ ბევრად წინ ვართ. ეს საკითხი პრიორიტეტულია ჩემთვის და მეც იმიტომ ჩამოვედი, რომ მხარი დავუჭირო ქალთა უფლებებს,’’ -განმარტა Firstnews.ge-თან საუბარში იარონ შამირმა.
შეხვედრაზე არაერთხელ აღინიშნა, რომ ქალების წინაშე არსებული გამოწვევები საერთაშორისო პრობლემაა და მის მოსაგვარებლად მსოფლიოს მასშტაბით აქტიური ღონისძიებების ჩატარებაა საჭირო.
,,საკითხს, რომელსაც დღეს განვიხილავთ, საზღვრები არ აქვს, ქალთა პრობლემები არსებობს უკრაინაშიც და საქართველოშიც. მსგავსი კონფერენციების ჩატარება ნამდვილად მნიშვნელოვანია,’’-აღნიშნა უკრაინიდან მოწვეულმა სტუმარმა, არასამთავრობო ორგანიზაცია ,,ქალთა ძალის’’ წარმომადგენელმა, სვეტლანა ლეშენკამ.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი