"წყალტუბოს რეაბილიტაციის პროექტი იქნება საქართველოს აღმშენებლობის სიმბოლო სწორედ ამ პოსტსკრიზისულ პერიოდში" - ზვიად შალამბერიძე
იმერეთში სახელმწიფო რწმუნებულის ზვიად შალამბერიძის განცხადებით, კორონავირუსის პანდემიის გამო შექმნილი ვითარების მიუხედავად, წყალტუბოს რეაბილიტაციის პროექტის ფარგლებში გარკვეული ტიპის სამუშაოები ხორციელდება.
ამის შესახებ ზვიად შალამბერიძემ ტელეკომპანია "იმედის" გადაცემაში "ბიზნესი იმედზე" განაცხადა.
"წყალტუბოს რეაბილიტაციის პროექტი იქნება საქართველოს აღმშენებლობის სიმბოლო სწორედ ამ პოსტსკრიზისულ პერიოდში და აუცილებლად მინდა ქუთაისის საერთაშორისო უნივერსიტეტთან ერთად მოვიხსენიო იმიტომ, რომ ეს არის ის ორი პროექტი იმერეთისთვის, რომელიც საუკუნის პროექტებია, ვინაიდან ამაზეა დამოკიდებული არა მარტო წყალტუბოს, ქუთაისის და იმერეთის, არამედ მთლიანად საქართველოს ეკონომიკური წინსვლა. წყალტუბო რეაბილიტაციის შემდეგ იქნება ერთ-ერთი ყველაზე გამორჩეული კურორტი არა მარტო ევროპაში, არამედ მსოფლიოში იმიტომ, რომ ჩვენ ამის რესურსი ნამდვილად გვაქვს, წყალტუბოს აქვს ამისი რესურსი, რომ გახდეს ისეთივე, როგორიცაა ბადენ-ბადენი, კარლოვი-ვარი და ასე შემდეგ. ჩვენ არ შევჩერებულვართ და გარკვეული ტიპის სამუშაოებს ვახორციელებთ, ვაგეგმარებთ როგორი უნდა იყოს წყალტუბო მას შემდეგ რაც დაიწყება სამუშაოები და დასრულდება რეაბილიტაცია და წყალტუბო აუცილებლად იქნება გამორჩეული კურორტი", - განაცხადა ზვიად შალამბერიძემ.
მისივე თქმით, ქუთაისიდან საირმის გავლით აბასთუმნისკენ გზის რეაბილიტაცია მიმდინარეობს.
სიახლეები
- მაკარონი მდნარი ყველით
- " როგორ შეიძლება მოწოდებები გააკეთო დაპირისპირებაზე? „ოცნება“ ხომ არ ხარ? - ყველას მოვუწოდებ, თავი შეიკავონ მსგავსი ტიპის უპასუხისმგებლო განცხადებებისგან "-ბექა ლილუაშვილი გიორგი ვაშაძის განცხადებაზე
- 3 თვის მონაცემებით, საქართველოში თავშესაფრის მაძიებლად 379 პირია აღრიცხული, საიდანაც ყველაზე ბევრი - 66 ადამიანი, უკრაინის მოქალაქეა - ამავე პერიოდში საქართველოდან სხვა ქვეყნის 59 მოქალაქე გააძევეს
- " ევროპარლამენტში საქართველოსათვის სანქციების მოთხოვნის მხარდამჭერთა ბირთვს ლიეტუველი დეპუტატები წარმოადგენენ, კუბილიუსის - გორბაჩოვის მხარდამჭერისა და მეხოტბის მეთაურობით" - გია ვოლსკი
- "მამული, ენა და სარწმუნოება - ეს არის სამი მთავარი საყრდენი, რომელიც ქმნის საქართველოს ეროვნულ იდენტობას" - ირაკლი კობახიძე