March 29, 2024

"დღეიდან ქუთაისში შესვლა-გასვლა თავისუფლადაა შესაძლებელი, თუმცა, ბლოკპოსტებს ჯერჯერობით ვტოვებთ, რათა ყველა ადამიანის სკრინინგი მოხდეს"

იმერეთის მხარეში ეპიდსიტუაცია უკვე მე-4 დღეა, უცვლელია, -  ამის შესახებ იმერეთში სახელმწიფო რმწუნებული ზვიად შალამბერიძე აცხადებს.

მისივე განმარტებით, გადაადგილებასთან დაკავშირებით დღეიდან ქუთაისისთვის შეზღუდვების მოხსნას ქუჩაში ხალხის განსაკუთრებული სიმრავლე არ მოჰყოლია.

 

„ეპიდსიტუაცია უცვლელია ბოლო 4 დღეა, კორონავირუსით ინფიცირებულების მატება არ გვქონია და საერთო ჯამში, იგივე სურათი გვაქვს, რაც აქამდე გვქონდა. რაც შეეხება შეზღუდვების მოხსნას, დღეიდან ქუთაისიდან შესვლა და გასვლა თავისუფლადაა შესაძლებელი, თუმცა, ბლოკპოსტებს ჯერჯერობით ვტოვებთ, რათა ყველა ადამიანის სკრინინგი განვახორციელოთ. აღნიშნული შეზღუდვის მოხსნის გამო, ხალხის სიმრავლე არ შეინიშნებოდა, ვინაიდან იმ კომპანიების და საწარმოების თანამშრომლები, რომლებიც მუშაობდნენ, ისედაც გადაადგილდებოდნენ, ასევე ისინიც, ვისაც სამედიცინო მომსახურება სჭირდებოდა. შესაბამისად, ხალხის ნაკადი არ ყოფილა“, - განაცხადა შალამბერიძემ.

 

მისივე განცხადებით, ორი დღის წინ, საჩხერეში მოსული უხვი ნალექის გამო მოსახლეობისთვის და ინფრასტრუქტურისთვის მიყენებულ ზარალს ამ დრომდე სწავლობენ.

 

„გუშინწინ, საჩხერეში იყო სეტყვა, მთის რამდენიმე მდინარე ადიდდა, კალაპოტიდან გადმოვიდა, ძირითადი დაზიანება საავტომობილო გზებს, გაბიონებს მიადგა და რამდენიმე ადგილას მეწყერიც იყო. თუმცა, იმავე ღამეს გაიწმინდა და მოწესრიგდა სოფლის მისასვლელი გზებიც. მოსახლეობისა და ინფრასტრუქტურის ზარალს დღემდე ვითვლით, რადგან რამდენიმე სოფელში მოსახლეობის სავარგულებშიც შევიდა წყალი“, - განაცხადა შალამბერიძემ.

წაკითხვა 435 ჯერ
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.