25-წლიანი უწყლობის შემდეგ სოფელ ითხვისის მოსახლეობას სასმელი წყალი მიეწოდება

25-წლიანი უწყლობის შემდეგ ჭიათურის მუნიციპალიტეტის, სოფელ ითხვისის მოსახლეობას სასმელი წყალი მიეწოდება. იმერეთში სახელმწიფო რწმუნებულმა–გუბერნატორმა, შავლეგო ტაბატაძემ, ადგილობრივებთან ერთად განხორციელებული სამუშაოები დაათვალიერა. სოფელ ითხვისში სასმელი წყლის მილების დამონტაჟება და რეაბილიტაცია 2 კვირის მანძილზე მიმდინარეობდა.

 

,,როდესაც პირველად შევხვდი ჭიათურის მუნიციპალიტეტის სოფელ ითხვისის მოსახლეობას, მათ სოფლის უმთავრეს პრობლემად უწყლობა დაასახელეს. საუბარში აღნიშნეს, რომ 25 წელია სასმელი წყალი არ მიეწოდებათ და მეზობელი სოფლიდან, სვერიდან მიაქვთ. მაშინ მათ დავპირდი, რომ წყალი აუცილებლად ექნებოდათ. 2 კვირის შემდეგ მათთან ერთად მოვუშვი ონკანი. პირველ ეტაპზე სასმელი წყლით 100–ზე მეტი ოჯახი ისარგებლებს. მეორე ეტაპზე კი სათავე–ნაგებობის რეაბილიტაცია განხორციელდება და საერთო ჯამში სასმელი წყალი სოფლების: ითხვისის, კალაურისა და შუქრუთის 600–მდე კომლს, 24 საათიანი გრაფიკით მიეწოდება. მსგავსი პრობლემა თერჯოლის მუნიციპალიტეტის სოფელ ძევრშიც იყო. საკითხი იქაც მოგვარებულია და მოსახლეობა სასმელი წყლით უკვე სარგებლობს. პროცესი აუცილებლად გაგრძელდება და მაქსიმუმს გავაკეთებ, რომ იმერეთის რეგიონის ყველა სოფელში სასმელი წყლის პრობლემა აღმოიფხვრას“– აღნიშნა იმერეთის გუბერნატორმა შავლეგო ტაბატაძემ.

წაკითხვა 1086 ჯერ განახლდა განახლდა ოქტომბერი 25 2018
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.