ქუთაისში, გრიშაშვილის ქუჩის რეაბილიტაცია აქტიურ ფაზაში მიმდინარეობს
ქუთაისში გრიშაშვილის ქუჩის რეაბილიტაცია აქტიურ ფაზაშია.
საგზაო სამუშაოები ამ ქუჩაზე თებერვალში დაიწყო, თუმცა კორონავირუსის პანდემიის და საგანგებო მდგომარეობის გამო დროებით შეჩერებული იყო. მაისიდან სამუშაოები განახლდა და ივლისის ბოლოს დასრულდება.
გრიშაშვილის ქუჩაზე დაიგო ასფალტის ახალი საფარი, ეწყობა ტროტუარი, გრანიტის ფილებით კეთდება ბორდიურები და სანიაღვრე არხები, გათვალისწინებულია გაზონებისა და მწვანე კუნძულების მოწყობაც, შესაბამისი განათებით.
საგზაო სამუშაოები ქუთაისის მერის მოვალეობის შემსრულებელმა დავით ერემეიშვილმა და ადგილობრივი ხელისუფლების წარმომადგენლებმა მოინახულეს.
„ეს ქუჩა ქუთაისის ერთ-ერთ ულამაზეს, ისტორიულ უბანში მდებარეობს და ჩვენთვის ძალიან მნიშვნელოვანი იყო მისი რეაბილიტაცია. ამიტომაც, რეაბილიტაციის პროცესში ყველა ნიუანსი იქნა გათვალისწინებული," -აცხადებს ქალაქის მერის მოვალეობის შემსრულებელი დავით ერემეიშვილი.
შეგახსენებთ, რომ გრიშაშვილის ქუჩის რეაბილიტაციისთვის 924999 ლარია განსაზღვრული და მას ტენდერში გამარჯვებული შპს „ნიუპოვერი“ ასრულებს.
სიახლეები
- "საქართველო გზაგასაყარზეა - ის ევროპისკენ გზაზე უნდა დარჩეს" - ურსულა ფონ დერ ლაიენი
- "გულანთებულ ახალგაზრდებს მივმართავ, რომ რაღაცები არ არის საჭირო, დაანებეთ თავი პარლამენტის კარს, იქ არაფერი აღარ ხდება"
- "ვინც ამბობს, რომ ეს კანონი რუსულია, არა მარტო იტყუება, არამედ ცრუპენტელობს" - პრემიერი
- "დროა, პოლიტიკური კრიზისიდან მშვიდობიანი გამოსავლის საძიებლად, ურთიერთობებმა გადაინაცვლოს ქუჩიდან მოლაპარაკების მაგიდასთან"- საპატრიარქო
- "დღეს ქვეყანა გადასარჩენია" - თბილისში დაგეგმილ აქციას ქუთაისიდანაც შეუერთდნენ