ქუთაისის მუნიციპალიტეტის მერიაში საერთაშორისო ონლაინ კონფერენცია გაიმართა
ევროკავშირის მიერ დაფინანსებული პროექტის ფარგლებში Escapeland-„აქტიური ტურიზმის განვითარება და პოპულარიზაცია შავი ზღვის აუზში“ ქალაქ ქუთაისის მუნიციპალიტეტის მერიაში საერთაშორისო ონლაინ კონფერენცია გაიმართა.
კონფერენციაზე პარტნიორმა ქალაქებმა პრეზენტაციები თავიანთი ქალაქების ტურისტული პოტენციალის შესახებ გააშუქეს, ასევე შეხვედრაზე მხარეებმა აქტიური ტურიზმის განვითარებასა და პოპულარიზაციაზე ისაუბრეს.
ქუთაისის მუნიციპალიტეტის მერიის მიერ წარდგენილი პრეზენტაცია ქალაქის ტურისტულ ატრაქციებსა და ტურიზმის სხვადასხვა სფეროებში არსებულ მიღწევებს ეხებოდა. პროექტში მონაწილე ქალაქები მზადყოფნას გამოთქვამენ გაიზიარონ ის გამოცდილება, რომელიც ქალაქ ქუთაისს ტურიზმის ინდუსტრიის სფეროში დაუგროვდა.
საერთაშორისო ონლაინ კონფერენციას ქუთაისის მუნიციპალიტეტის მერის მოვალეობის შემსრულებელი დავით ერემეიშვილი, მერის მოადგილე ირაკლი ქარქაშაძე, ადმინისტრაციის ხელმძღვანელი პეტრე ადამაძე, პროექტის კოორდინატორი თეა ხეცურიანი, ტურიზმის ექსპერტი მარი დევიძე და პიარ-ექსპერტი ლიკა ჩახუნაშვილი დაესწრნენ.
პროექტი მხარდაჭერილია ევროკომისიის მიერ და განხორციელება 2020 წლის 1 ივნისს დაიწყო. იგი შავი ზღვის 2014-2020 წლების საზღვრისპირა თანამშრომლობის პროგრამის ფარგლებში ხორცილედება და 24 თვე გრძელდება.
პროექტის მიზანია ტრანსსასაზღვრო თანამშრომლობის განვითარება ტურიზმისა და კულტურული მეწარმეობის კუთხით. ასევე შავი ზღვის აუზში პარტნიორებს შორის კონტაქტების გაღრმავება.
“Escapeland“-ის ფარგლებში ურთიერთგამოცდილების გაზიარების საფუძველზე იგეგმება ქალაქ ქუთაისის ტურიზმის მდგრადი განვითარების სამოქმედო გეგმისა და სტრატეგიის შექმნა.
სიახლეები
- უცხოური ვალუტის ოფიციალური კურსი 25 აპრილისთვის
- ზოდიაქოს ის ნიშნები, რომელთათვისაც 2024 წლის მეორე ნახევარი ტრანსფორმაციისა და არაერთი სასიამოვნო სიახლის ეტაპი იქნება
- "ახლა გავაკეთებთ ყველაფერს, რათა იმ ნახევარი წლის კომპენსირება მოვახდინოთ, რომელმაც დებატებში და ეჭვებში გაიარა"
- "კანონი არის რუსული, რადგან ამ კანონით საქართველოს არ ექნება შანსი, გახდეს ევროკავშირის წევრი"
- "ქვეყანაში ახალგაზრდებთან ბრძოლა არავის არ მოუგია და შესაბამისად ვერც ივანიშვილი და გომელაური ვერ მოიგებს"