სახალხო მოძრაობამ ,,არა ნაციზმს’’ მორიგი შეხვედრა ქუთაისში გამართა
მესხიშვილის თეატრის სცენიდან, პოეტმა დავით მაღრაძემ ქუთაისლებს სალომე ზურაბიშვილის მხარდაჭერისკენ მოუწოდა.
,,მინდა გისურვოთ გამარჯვება მოძალადეებზე, რომლებმაც თავიანთი სისასტიკით სამუდამოდ დაგვამახსოვრეს თავი. ისინი დღეს ერთადერთი სურვილით არიან შეპყრობილნი: საქართველოს მოსახლეობამ დაკარგოს მეხსიერება და ეს ცხრა წელი ამოუვარდეს თავისი ბიოგრაფიიდან. მათ ხელისუფლებაში დაბრუნების დაუოკებელი სურვილი ამოძრავებთ. არა სინანული, არა გულწრფელი განცდა, არა პატიების თხოვნა, არამედ აღვირახსნილი სურვილი, მდაბიოთა ვნება როგორმე პატივმოყვარეობა დაიკმაყოფილონ. სადაც თავმოყვარეობა არ არის, იქ პატივმოყვარეობაა. ამ ხალხს არანაირი ღირსება არ გააჩნია. ქართველმა ხალხმა ცხრაწლიან სისასტიკეს გაუძლო და თავისუფლებისთვის ბრძოლით არ დაღლილა. დღესაც თავის ღირსების სიმაღლეზე დგას და ელოდება იმ საბედისწერო არჩევანს, როდესაც უკუაგდებს ამ მოძალადეებს და მხარს დაუჭერს თავისუფლებას, თავისი ქვეყნის მშვიდ და ნათელ მომავალს''-აღნიშნა დავით მაღრაძემ.
პოეტის თქმით, სიმბოლურია, რომ პრეზიდენტობის კანდიდატად კენჭს ემიგრაციის წარმომადგენელი იყრის, რადგან ქართული ემიგრაცია ყოველთვის დიდი ღირსების მატარებელი იყო, იგი მუდამ ინარჩუნებდა ქართულ ენასა და ტრადიციებს.
,,კიდევ ერთხელ გავიხსენოთ ღირსებით სავსე ჩვენი საზოგადოება, რომელსაც მშობლიური მიწა-წყლის დატოვება მოუწია. უცხო ქვეყანაში დაბადებულმა თაობებმა ქართული ენა თაობიდან თაობას გადასცეს. ძილისპირულთან ერთად, ყმაწვილებს სიზმარში ქართული ენაც გაატანეს და დღეს, შენარჩუნებული ქართულით, ისევ მზად არიან, ემსახურონ თავიანთ ქვეყანას. აქედან გამომდინარე, ლოგიკური და სიმბოლურია, რომ საქართველოს პრეზიდენტად კენჭს ემიგრაციის წარმომადგენელი იყრის.
ერთ მხარეს საბჭოთა კავშირის გადმონაშთი, საბჭოთა რუსეთის ოფიციალური თანამშრომელი, მეორეზე კი წარსულში ემიგრანტი ქართველი, ევროპული მენტალიტეტის მქონე ქალბატონი დგას.”, – აღნიშნა დავით მაღრაძემ.
სიახლეები
- მაკარონი მდნარი ყველით
- " როგორ შეიძლება მოწოდებები გააკეთო დაპირისპირებაზე? „ოცნება“ ხომ არ ხარ? - ყველას მოვუწოდებ, თავი შეიკავონ მსგავსი ტიპის უპასუხისმგებლო განცხადებებისგან "-ბექა ლილუაშვილი გიორგი ვაშაძის განცხადებაზე
- 3 თვის მონაცემებით, საქართველოში თავშესაფრის მაძიებლად 379 პირია აღრიცხული, საიდანაც ყველაზე ბევრი - 66 ადამიანი, უკრაინის მოქალაქეა - ამავე პერიოდში საქართველოდან სხვა ქვეყნის 59 მოქალაქე გააძევეს
- " ევროპარლამენტში საქართველოსათვის სანქციების მოთხოვნის მხარდამჭერთა ბირთვს ლიეტუველი დეპუტატები წარმოადგენენ, კუბილიუსის - გორბაჩოვის მხარდამჭერისა და მეხოტბის მეთაურობით" - გია ვოლსკი
- "მამული, ენა და სარწმუნოება - ეს არის სამი მთავარი საყრდენი, რომელიც ქმნის საქართველოს ეროვნულ იდენტობას" - ირაკლი კობახიძე