"წმინდა სინოდმა პატრიარქის განკვეთის საკითხი უნდა განიხილოს" - პეტრე ცაავა
წმინდა სინოდის სხდომაზე უნდა იყოს განხილული ჩემი უკანონოდ დასჯის საკითხი და აღდგენილი უნდა იყოს მიტროპოლიტი პეტრე, ასევე განხილული უნდა იყოს პატრიარქის განკვეთის საკითხი, – ამის შესახებ ჭყონდიდისა და მარტვილის ყოფილმა მღვდელმთავარმა, პეტრე ცაავამ „ტვ პირველს“ განუცხადა.
მისი თქმით, პატრიარქმა მას ეპისკოპოსის წოდება უკანონოდ ჩამოართვა.
„უწმინდური, სოდომიტი პატრიარქი უკვე გასულია რჯულის კანონის ჩარჩოებიდან და მიტროპოლიტი პეტრე რჩება რჯულის კანონის ჩარჩოებში და მას არ დაურღვევია. პირველ რიგში, უნდა იყოს განხილული ჩემი უკანონოდ დასჯის საკითხი და აღდგენილი უნდა იყოს მიტროპოლიტი პეტრე როგორც უსამართლოდ და უკანონოდ, უწმინდური პატრიარქის ბრძანებით დასჯილი. შემდეგ უნდა იქნეს პატრიარქის განკვეთის საკითხი აუცილებლად და არა გადაყენების. რამეთუ, შეუძლებელია როგორც ცრუ პატრიარქი, „კაგებეს“ მიერ დანიშნული, ამ მძიმე ცოდვის ქვეშ მართავდეს საქართველოს ეკლესიის წმინდა სინოდს. ეს არის ერის სირცხვილი.
მე მწამს, რომ ჩემი ღმერთი არის ჯვარცმული იესო ქრისტე, რომელმაც გოლგოთა გაიარა და ეს უსამართლო დევნა, ყვედრება და ჯვარცმა მიიღო სიმშვიდით. შევთხოვ უფალს, რომ ნებისმიერი უსამართლო გადაწყვეტილება და ნებისმიერი ღვთისგან დაშვებული განსაცდელი ჩემზე, მივიღო სიმშვიდით და ღვთისაგან მადლიერებით“,- განაცხადა პეტრე ცაავამ.
წმინდა სინოდის სხდომა 11 თებერვალს გაიმართება.
სიახლეები
- "რუსეთი მზად არის, განიხილოს უკრაინაში ვითარების დარეგულირებასთან დაკავშირებით სერიოზული წინადადებები" - მარია ზახაროვა
- "აქცენტი მთლიანად გადავიდა აქციებზე, ყველას დაავიწყდა ძირითადი თემა, რომელიც ეხება „გამჭვირვალობის კანონის“ ავკარგიანობას, ვაქვეყნებთ ტექსტს, ყველას მოვუწოდებთ წაკითხვისკენ"
- სალომე ზურაბიშვილმა „საგადასახადო კოდექსში“ ცვლილებებს ვეტო დაადო
- "მიზეზი იესო ქრისტეს საშინელი სიკვდილისა იყო მამაზეციერის უსაზღვრო სიყვარული კაცთა მოდგმისადმი, რათა დაღუპული კაცობრიობა გადარჩენილიყო რწმენით და მიეღო საუკუნო სიცოცხლე"
- "დღეს რასაც ქუჩაში ვხედავთ, თვითნაბად, თვითორგანიზებულ პროტესტს, ძალიან ჰგავს მაიდანს"