მსოფლიო პატრიარქი საქართველოს კათოლიკოს-პატრიარქს წერილით მიმართავს

საქართველოს საპატრიარქო მსოფლიო პატრიარქის მიერ საქართველოს კათოლიკოს-პატრიარქ ილია მეორისთვის მიწერილ წერილს ავრცელებს.

წერილში აღნიშნულია, რომ მსოფლიო საპატრიარქომ რამდენიმე კლერიკოსი მძიმე კანონიკური დანაშაულის გამო სამღვდელო ხარისხიდან ერისკაცობამდე დაიყვანა.

 

მსოფლიო პატრიარქი საქართველოს საპატრიარქოს მიმართავს, არ შევიდეს მათთან საღვთისმსახურო ურთიერთობაში.

 

„უწმინდესო და უნეტარესო, სრულიად საქართველოს კათოლიკოს-პატრიარქო, მცხეთა-თბილისის მთავარეპისკოპოსო და ბიჭვინთისა და ცხუმ-აფხაზეთის მიტროპოლიტო, ქრისტესმიერო, უსაყვარლესო და უსასურველესო ძმაო და თანამწირველო, მეუფე ილია, გეხვევით ქრისტესმიერი ძმური სიყვარულით და მოგახსენებთ.

 

ჩვენთვის ფრიად საყვარელო და დაფასებულო უნეტარესობავ, თქვენ და საქართველოს ეკლესიას, ამ ძმური წერილით ვაუწყებთ, რომ ამერიკის საეპისკოპოსოს კლერიკოსები: ეკონომოსი დუან გონსონი, პრესვიტერი დიონისე ლისტერმან იერლინგი, ნიკოლოზ გრაფი, ემანუელ ხაძიდაკისი, კევინ მილსაპსი, ასევე სვიმის სამიტროპოლიტოს კლერიკოსი პრესვიტერი დიმიტრი გეორგიადისი უკიდურესად მძიმე კანონიკურ დანაშაულში ჩავარდნისათვის სამღვდელო ხარისხიდან დაყვანილ იქნენ ერისკაცობამდე.

 

ამ კანონიკურ გადაწყვეტილებას მსოფლიო საპატრიარქო აუწყებს თქვენს უნეტარესობას და ძმურად სთხოვს, რათა როგორც განძარცვულებთან ყოველი ქიროტონიული მადლისა და ენერგიებისაგან, შემთხვევით არ შეხვიდეთ მათთან საღვთისმსახურო ურთიერთობაში.

 

გემთხვევით რა წმინდა ამბორით, თქვენო ღირსეულო უნეტარესობავ, გემშვიდობებით უფლისმიერი სიყვარულითა და გამორჩეული პატივისცემით. ქრისტესმიერი ძმური მოკრძალებით“, – ნათქვამია მსოფლიო პატრიარქის ბართოლომეოსის წერილში.

წაკითხვა 416 ჯერ
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.