2003 წლის 2 აგვისტოს, წმ.ელია წინასწარ მეტყველის ხსენების დღეს, ქუთათელ - გაენათელმა მიტროპოლიტმა მეუფე კალისტრატემ დიაკონი ზოსიმე ჭუმბურიძე მღვდლად აკურთხა გელათში. აღნიშნული თარიღიდან დღეს, 20 წელი შესრულდა.

ახლად ნაკურთხმა მამა ზოსიმემ ქუთაისის მოსწავლე-ახალგაზრდობის სასახლეში მოაწყო წმ.ლაზარეს აღდგინების ეკლესია. მამა ზოსიმემ სასულიერო მოღვაწეობის 20 წლიან პერიოდში ააშენა და აღადგინა არაერთი ეკლესია თუ მონასტერი. წმინდა კვიპრიანესა და იუსტინეს სახელობის ეკლესია, წმინდა სპირიდონ ტრიუმფუნტელის სახელობის ეკლესია, სოფელ ჭოლევის წმ. გიორგის სახელობის ეკლესია, წმ.მართასა და მარიამის სახელობის დედათა მონასტერი და წმ.მენელსაცხებელი დედათა ეკლესია.

მამა ზოსიმე გაწეული ღვაწლისთვის სრულიად საქართველოს კათალიკოს პატრიარქის ლოცვა კურთხევით დაფასებული იქნა არაერთი სასულიერო ჯილდოთი. მამა ზოსიმე ქუთათელ - გაენათელმა მიტროპოლიტმა მეუფე კალისტრატემ აიყვანა დეკანოზის ხარისხში, მიენიჭა გამშვენებული ჯვრისა და მიტრის ტარების უფლება, ხოლო ქუთათელ, გაენათელმა მიტროპოლიტმა მეუფე იოანემ დააჯილდოვა მეორე გამშვენებული ჯვრის ტარების უფლებით.

საინფორმაციო სააგენტო FirstNews.ge ულოცავს მამა ზოსიმეს ამ უმნიშვნელოვანეს თარიღს, უსურვებს ჯანმრთელობასა და სულიერ სიძლიერეს.