" იმედია, ქართველი ხალხი დაძლევს განსაცდელს, ავადმყოფობას, რომელიც მძვინვარებს" - ილია მეორე
სრულიად საქართველოს კათოლიკოს-პატრიარქმა ილია მეორემ სვეტიცხოვლის საკათედრო ტაძარში საზეიმო წირვის დასრულების შემდეგ საქართველოს მოქალაქეებს სვეტიცხოვლობის დღესასწაული მიულოცა.
ილია მეორის თქმით, საქართველო ღვთისგან მრავალი სასწაულითაა დაჯილდოებული და შემთხვევითი არ არის ის ფაქტი, რომ საქართველო გახდა წილხვედრი ღვთისმშობლისა და ქვეყანაში მაცხოვრის კვართია ჩამოტანილი.
„ყველას გილოცავთ ამ დიდებულ დღესასწაულს, თქვენო აღმატებულებავ, გილოცავთ ამ დიდ დღესასწაულს. დიდ ხარ შენ, უფალო, საკვირველ არიან საქმენი შენი. ჩვენ ღვთისგან დაჯილდოებული ვართ მრავალი სასწაულით, შემთხვევეით არ არის ის მოვლენა, რომ საქართველოში იყო ჩამოტანილი ხალენი წმინდა ილია წინასწარმეტყველისა, ის ხალენი აქ არის დაკრძალული. შემთხვევით არ არის ის ფაქტი, რომ საქართველო გახდა წილხვედრი ღვთისმშობლისა, ჩამოტანილი იქნა კვართი მაცხოვრისა. ეს ყველაფერი მეტყველებს იმის შესახებ, რომ ჩვენ ბევრი მოგვეკითხება“, – განაცხადა ილია მეორემ.
ამასთან, პატრიარქმა ისაუბრა კორონავირუსთან დაკავშირებითაც და აღნიშნა, რომ იმედი აქვს, საქართველო დაძლევს ამ განსაცდელს.
„ყველაფერი უნდა გავაკეთოთ იმისთვის, რომ დავძლიოთ ის განსაცდელი, რომელიც მოგვივლინა ჩვენ უფალმა, ის ავადმყოფობა, რომელიც მძვინვარებს. იმედია, რომ საქართველო, ქართველი ხალხი დაძლევს ამ განსაცდელს. მე განსაკუთრებით მივესალმები ჩვენს ხელისუფლებას და ვთხოვ, მიულოცონ მრევლს, ხალხს ეს დღესასწაული“,- განაცხადა ილია მეორემ.
სიახლეები
- "სანქციები რომ დააკისრონ ქვეყანას და ხალხს, ეს მიდგომა არასწორია"- ირაკლი ღარიბაშვილი
- "თურქეთი საქართველოს ევროატლანტიკურ სივრცეში გაწევრიანების მომხრედ რჩება და როგორც ადრე, ახლაც ისტორიის სწორ მხარეს დგას"
- პრეზიდენტმა „უცხოური გავლენის გამჭვირვალობის შესახებ” კანონს ვეტო დაადო
- "გავიგე, რომ ნატა ფერაძეს ოჯახთან ერთად მოუწია ქვეყნის დატოვება, რადგან დაჭერას უპირებდნენ სახელმწიფო გადატრიალების ბრალდებით"
- "პრეზიდენტად წოდებულს, ქალბატონს, რომ არ აინტერესებს კონსტიტუცია, ქვეყნის ინტერესები, ცხადი" - ირაკლი ღარიბაშვილი