ლიკანში, საცხოვრებელ კორპუსში აფეთქების შედეგად დაშავებული ქალი გარდაიცვალა
ლიკანში, საცხოვრებელ კორპუსში აფეთქების შედეგად დაშავებული ქალი გარდაიცვალა. აფეთქების შემდეგ დაშავებული ბორჯომის „ჯეო ჰოსპიტალსში“ მიიყვანეს, თუმცა სიცოცხლესთან შეუთავსებელი დაზიანებების გამო მისი გადარჩენა ვერ მოხერხდა.
კორპუსის მდგრადობას ლევან სამხარაულის სახელობის ექსპერტიზის ეროვნული ბიუროს წარმომადგენლები შეისწავლიან. ვიდრე ექსპერტები კორპუსის მდგრადობას შეამოწმებენ, იქამდე შენობაში შესვლის უფლება არავის აქვს, მათ შორის არც კრიმინალურ პოლიციას.
15-სართულიანი კორპუსის მცხოვრებლების ნაწილი (86 ადამიანი) აფეთქების შემდეგ მუნიციპალიტეტის მერიამ სასტუმროებში გადაიყვანა, დანარჩენებმა ღამე ნათესავებთან გაათენეს.
მომხდარზე გამოძიება სსკ-ის 240-ე პრიმა მუხლის მეორე ნაწილით მიმდინარეობს, რაც ელექტრო, ან თბოენერგიის, გაზის ობიექტზე უსაფრთხოების წესების დარღვევას გულისხმობს, რასაც მოჰყვა ადამიანის სიცოცხლის მოსპობა ან სხვა მძიმე შედეგი.
აფეთქება ლიკანში, საცხოვრებელი კორპუსის მეორე სართულზე გუშინ მოხდა, რაც სავარაუდოდ, გაზის დაგროვებამ გამოიწვია.
სიახლეები
- "ევროკავშირის კონკრეტული ქვეყნების წარმომადგენლების აქციაზე ყოფნა უარყოფითად აისახება არა მხოლოდ შესაბამისი ქვეყნის, არამედ ევროკავშირის იმიჯზეც"
- ქუთაისის სპორტის სასახლეში გაიხსნა იმერეთის სასკოლო სპორტული ლიგა მინი ფეხბურთში
- უცხოური ვალუტის ოფიციალური კურსი 17 მაისისთვის
- "გვსურს, მშვიდობიანი შეკრებით წარმოვაჩინოთ, რომ ჩვენი ისტორიის, ტრადიციების, ღირებულებების დაცვა უმნიშვნელოვანესია და ვიწრო პოლიტიკურ ინტერესებზე მაღლა დგას"
- "ევროკავშირის საგარეო საქმეთა მინისტრები რუსთაველის ტრიბუნიდან გამოსვლას „ვარდების რევოლუციის“ ხსენებით იწყებენ"