"პრეზიდენტს ვუთხარი რამე პასუხი გამეცით-მეთქი, მაგრამ ჩემთვის არც შემოუხედავს "
დღევანდელ ხელისუფლებას ჩემი რცხვენია, მოდიან და უჩუმრად გარბიან, პრეზიდენტს არც კი შემოუხედავს ჩემთვის, - ამის შესახებ პანკისის ხეობაში მოკლული თემირლან მაჩალიკაშვილის მამამ მალხაზ მაჩალიკაშვილმა, რუსთაველის გამზირზე განაცხადა.
მალხაზ მაჩალიკაშვილმა 9 აპრილიც გაიხსენა და განაცხადა, რომ მას ყოველდღე ახსენდება მემორიალთან დაღვრილი სისხლი.
„სამწუხაროდ, აქ დაეცნენ ბავშვები, დაიღვარა სისხლი და აქედან გამომდინარე, ამ დღეს გლოვით აღვნიშნავთ. ამათი დაღვრილი სისხლი, ყველაფერი ჩემს გარშემო ტრიალებს. ყოველდღე მახსენდება ეს. ვისურვებდი ერთიანი ყოფილიყვნენ ქართველები, რომ არ ხდებოდეს ის, თუნდაც რა დღეშიც მე და ზაზა სარალიძე ვართ. ჩვენი საქმე სიბოროტიდან მოდის. ჩემთვის დღეს პასუხი არ გაუციათ. მივედი პირდაპირ ე.წ. პრეზიდენტთან და ვუთხარი რამე პასუხი გამეცით-მეთქი, მაგრამ ჩემთვის არც შემოუხედავს. დღევანდელ მთავრობას ჩემი რცხვენია. მოდიან უჩუმრად და გარბიან",- განაცხადა მაჩალიკაშვილმა.
მალხაზ მაჩალიკაშვილი თითქმის 8 თვეა რუსთაველის გამზირზე კარავში იმყოფება და მისი შვილის საქმის გამოძიებას ითხოვს.
სიახლეები
- "საქართველო ჩამოდგა რუსთაველზე საქართველოს გადასარჩენად" - თაკო ჩარკვიანი
- "ივანიშვილის უძლეველობის მითი დანგრეულია" - გიორგი გახარია
- "არა რუსეთს და არა ყველაფერს, რაც საქართველოს რუსეთისკენ მიაქანებს, საქართველოს გზა ევროპაშია"- ბუდუ ზივზივაძე
- Anonymous-ი აცხადებს, რომ საქართველოს შს სამინისტროს ვებგვერდი გატეხა
- "არაფერია იმაზე მნიშვნელოვანი, ვიდრე ქვეყანა, თავისუფლება საქართველოს და არა ძალადობას, არა რუსეთს!" - გიორგი ქოჩორაშვილი