ქალმა მშობიარობიდან 30 წუთში გამოსაშვები გამოცდები ჩააბარა
ეთიოპიელმა ქალმა მშობიარობიდან 30 წუთის შემდეგ სამშობიაროშივე გამოცდები ჩააბარა, ინფორმაციას BBC ავრცელებს.
21 წლის ალმაზ დერესეს, რომელიც ქვეყნის დასავლეთით მდებარე ქალაქ მეტუდან არის, იმედი ჰქონდა, რომ გამოცდებს ბავშვის გაჩენამდე ჩააბარებდა, თუმცა ტესტირება რამადანის გამო გადაიდო.
გამოცდის დაწყებამდე სულ ცოტა ხნით ადრე მშობიარობა დაეწყო. ალმაზის თქმით, ორსულობის დროს მეცადინეობა მისთვის რთული არ იყო და არ სურდა, მომდევნო წლისთვის გადაედო დამამთავრებელი გამოცდის ჩაბარება.
ინგლისურისა და მათემატიკის ტესტები მან სამშობიაროშივე დაწერა, დანარჩენ საგნებს კი უახლოეს დღეებში ჩააბარებს.
„ძალიან მეჩქარებოდა გამოცდების ჩაბარება, მშობიარობა მარტივი იყო,“ -აღნიშნა ალმაზმა.
მისი ქმარი, ტადესე ტულუ კი ამბობს, რომ შეძლო სკოლა დაეთანხმებინა, გამოცდების ჩაბარების საშუალება მის ცოლს სამშობიაროში მისცემოდა.
ambebi.ge
სიახლეები
- აკნეს საწინააღმდეგო ნიღაბი - მარტივი რეცეპტი სუფთა და გლუვი კანისთვის
- ბადრიჯანი ბულგარულით
- ახალი სამაშველო ვერტმფრენი გერმანიიდან საქართველოში ჩამოიყვანეს
- "გვარამიას საქმეზე სტრასბურგის გადაწყვეტილების შემდეგ, კარგი იქნება, თუ კელი დეგნანი და ევროკავშირის ყოფილი ელჩი ბოდიშს მოიხდიან ქართული სასამართლოს წინაშე" - სოზარ სუბარი
- "დავიწყეთ მოლაპარაკება უცხოურ და ქართულ ავიაკომპანიებთან, რათა EURO 2024-თან დაკავშირებით, ფრენების სიხშირესთან ერთად, გერმანიის მიმართულებით ჩარტერული რეისებიც დაემატოს" - ირაკლი ქარქაშაძე