"რუსთაველის გამზირზე კარავს, როცა საჭიროდ ჩავთვლი, ისევ დავდგამ და ამაში თვით ივანიშვილიც კი ვერ შემიშლის ხელს"
აქციის მეათე დღეს დაგეგმილ “თავისუფლების მარშს” მალხაზ მაჩალიკაშვილიც დაესწრება.
როგორც მაჩალიკაშვილმა „პალიტრანიუსს“ განუცხადა, ხელისუფლებამ 20 ივნისის ღამეს ისროლა „ადამიანებზე აკრძალული ტყვია“, რის გამოც შს მინისტრ გიორგი გახარიას გადადგომის მოთხოვნა ლეგიტიმურია.
„ყველამ კარგად ვიცით, ეს სიტუაცია რამაც გამოიწვია. ესენი ჯალათები არიან გავრილოვი რომ ჩამოიყვანეს და რუსი გავრილოვიც ჯალათია. დღეს გავრილოვი ჩამოიყვანეს, ხვალ ივანოვს ჩამოიყვანენ და ზეგ თვითონ პუტინი ჩამოვა. ესენი ერთ ჯამში იხარშებიან. ამან გამოიწვია ეს პროტესტი, ახალგაზრდების აღელვება და შემდეგ რა მოხდა, ყველამ კარგად ვიცით - მიბჯენით, დამიზნებით ესროდნენ ადამიანებს. ეს იყო მართლაც ადამიანებზე აკრძალული ტყვია, რომელიც მე მომხვდა, რომლითაც ადამიანებს დაუთხარეს თვალები და ამან გამოიწვია ეს ყველაფერი.
საქართველოს დიდი ნაწილი ითხოვს, რომ გახარია უნდა გადადგეს იმიტომ, რომ მან დააშავა, სისხლი დაღვარა და ხალხი კი არ უნდა სთხოვდეს ამას, მათ თვითონ უნდა იცოდნენ თავიანთი შეცდომები, უნდა გაითვალისწინონ და უნდა გაეთრიოს ეს ხელისუფლება საქართველოდან," - განაცხადა მაჩალიკაშვილმა.
მაჩალიკაშვილმა მისი კარვის დაშლის ფაქტზეც ისაუბრა და განაცხადა, რომ ხელისუფლების გეგმებში აქციის დაშლასთან ერთად მისი კარვის აღებაც შედიოდა.
„ჩემი კარვები, რომლებიც იდგა აქ 10 თვის განმავლობაში, ამ ხელისუფლებას მართლა ყელში ჰქონდა გაჩხერილი. ხელისუფლებას ჩემი კარვების დაშლაც უნდოდა და სურდა, ერთი გასროლით მოეკლა ორი კურდღელი, მაგრამ რა გამოვიდა? - თავისივე კურდღელი გასრისეს. იმ კარვებს, როგორც კი მე ჩავთვლი საჭიროდ, ისევ დავდგამ, ის კარვები აქ იქნება, სანამ ჩემს ყველა შეკითხვას არ გაეცემა პასუხი. ამაში ვერავინ შემიშლის ხელს, თვით ივანიშვილიც კი. თუ შემიშლის და ვაჟკაცია - შემიშალოს, ვნახოთ რას მიიღებს!" - განაცხადა მაჩალიკაშვილმა.
სიახლეები
- "რუსეთი მზად არის, განიხილოს უკრაინაში ვითარების დარეგულირებასთან დაკავშირებით სერიოზული წინადადებები" - მარია ზახაროვა
- "აქცენტი მთლიანად გადავიდა აქციებზე, ყველას დაავიწყდა ძირითადი თემა, რომელიც ეხება „გამჭვირვალობის კანონის“ ავკარგიანობას, ვაქვეყნებთ ტექსტს, ყველას მოვუწოდებთ წაკითხვისკენ"
- სალომე ზურაბიშვილმა „საგადასახადო კოდექსში“ ცვლილებებს ვეტო დაადო
- "მიზეზი იესო ქრისტეს საშინელი სიკვდილისა იყო მამაზეციერის უსაზღვრო სიყვარული კაცთა მოდგმისადმი, რათა დაღუპული კაცობრიობა გადარჩენილიყო რწმენით და მიეღო საუკუნო სიცოცხლე"
- "დღეს რასაც ქუჩაში ვხედავთ, თვითნაბად, თვითორგანიზებულ პროტესტს, ძალიან ჰგავს მაიდანს"