"ადამიანები, რომლებიც ამ გუნდში არიან, ღმერთის შექმნილები არ არიან"
ის, რაც დღეს ჩემს გარშემო ხდება, ღმერთის შექმნილი ადამიანისთვის მეტისმეტია, - ამის შესახებ მალხაზ მაჩალიკაშვილმა, სასამართლოში, მისი ძმისშვილის, მორის მაჩალიკაშვილის მხარდასაჭერ აქციაზე, განაცხადა.
მისი თქმით, მორის მაჩალიკაშვილი მის გამოა დაკავებული.
“მორის მაჩალიკაშვილზე არა მარტო მე, არამედ მთელი ქვეყანა ფიქრობს, რომ ის ამ ხელისუფლების ტყვეა. ჩვენი ხეობიდან ჩამოსულია იმამი მის მხარდასაჭერად და მთელი ხეობა მის გათავისუფლებას ითხოვს. ის, რაც დღეს ჩემს გარშემო ხდება, ღმერთის შექმნილი ადამიანისთვის მეტისმეტია. მე კი ვუძლებ ამას, მაგრამ მეტისმეტია. ეს ადამიანები, რომლებიც ამ გუნდში არიან, ღმერთის შექმნილები არ არიან. ესენი საიდანღაც აღმოჩენილები არიან. დღეს მე როგორც მექცევიან, ასე ადამიანს მსოფლიოში არსად მოექცევიან. ჯერ მოკლეს უდანაშაულო 18 წლის ბავშვი თავის ოჯახში, შემდგომ ამ ყველაფრის ჩასაფარცხად უნდათ, რომ ჩემი ძმისშვილი გამოკეტონ ციხეში. ეს მართლა მეტისმეტია, მაგრამ ვერ გამოვყავარ მდგომარეობიდან და ვერც გამომიყვანენ“, - განაცხადა მალხაზ მაჩალიკაშვილმა.
მისივე განმარტებით, მორის მაჩალიკაშვილის მსგავსად, 20 ივნისის საქმეზე დაკავებული ყველა პირი, ხელისუფლების ტყვეა.
„იგივეს ვიტყოდი 20 ივნისის საქმეზე დაკავებულ დანარჩენ პირებზე, რომ ისინი ხელისუფლების ტყვეები არიან. მე იმედი მაქვს, რომ დღეს მორის მაჩალიკაშვილს გაათავისუფლებენ. ჩემი ძმისშვილი ჩემს გამოა დაკავებული. მას დაურეკეს და უთხრეს, რომ თუ მე კარავს ხელმეორედ გავშლიდი, დაიჭერდნენ. მეორე დღეს კარავი გავშალე და დაიჭირეს კიდეც“, -აღნიშნა მაჩალიკაშვილმა.
სიახლეები
- „ქართული ოცნების“ ორგანიზებული „საყოველთაო სახალხო შეკრება“ დასრულდა
- "არჩევნების შემდეგ „ნაციონალური მოძრაობა“ მკაცრად აგებს პასუხს ყველა იმ დანაშაულისთვის, რომელიც მან ორი ათწლეულის მანძილზე ქართველი ხალხის წინააღმდეგ ჩაიდინა"
- "გლობალური ომის პარტიის აგრესიის მიზეზია, რომ ძალისხმევის მიუხედავად, საქართველო მეორე ფრონტად ვერ აქცია" - ბიზინა ივანიშვილი
- "საქართველო უნდა მართოს ქართველი ხალხის მიერ არჩეულმა ხელისუფლებამ" - ბიძინა ივანიშვილი
- "პირველად გვაქვს ხანგრძლივი და უწყვეტი მშვიდობა ქვეყანაში, რომელიც პირველ რიგში, ჩვენი ლიდერის, ბიძინა ივანიშვილის დამსახურებაა"