შინაგან საქმეთა სამინისტრომ აქციის მონაწილეებს დასაშლელად 30 წუთი მისცა.
არსებული ინფორმაციით, შინაგან საქმეთა სამინისტრომ აქციის მონაწილეებს დასაშლელად 30 წუთი მისცა.
აღნიშნული ინფორმაცია პარლამენტთან ვრცელდება, რომლის მიხედვითაც, აქციის მონაწილეებს 30 წუთი მიეცა იმისთვის, რომ გაათავისუფლონ ტერიტორია და შეწყვიტონ საკანონმდებლო ორგანოს პიკეტირება.
გავრცელებული ინფორმაციით, პოლიციის წარმომადგენლები აღნიშნულთან დაკავშირებით ესაუბრნენ „ნაციონალური მოძრაობის“ ერთ-ერთ ლიდერს ზაალ უდუმაშვილს. აღნიშნულ საუბარს მოჰყვა ხმაური. საპატრულო პოლიციის თანამშრომელი აქციის მონაწილეებმა შეძახილებით -„პასუხს აგებთ“ გააცილა.
როგორც „ინტეპრესნიუსს“ ზაალ უდუმაშვილმა განუცხადა, პოლიციის თანამშრომლის ეს გაფრთხილება ძალის გამოყენების გეგმაზე მიუთითებს.
„ეს ნიშნავს იმას, რომ 30 წუთის შემდეგ გამოიყენებენ უკვე ძალას“,- განაცხადა უდუმაშვილმა.
შეგახსენებთ, პარლამენტის მიმდებარე ტერიტორიაზე სპეცრაზმი გამოჩნდა. ამასთან, რესპუბლიკის მოედანზე მობილიზებულია წყლის ჭავლის და სახანძრო მანქანები.
სიახლეები
- „ქართული ოცნების“ ორგანიზებული „საყოველთაო სახალხო შეკრება“ დასრულდა
- "არჩევნების შემდეგ „ნაციონალური მოძრაობა“ მკაცრად აგებს პასუხს ყველა იმ დანაშაულისთვის, რომელიც მან ორი ათწლეულის მანძილზე ქართველი ხალხის წინააღმდეგ ჩაიდინა"
- "გლობალური ომის პარტიის აგრესიის მიზეზია, რომ ძალისხმევის მიუხედავად, საქართველო მეორე ფრონტად ვერ აქცია" - ბიზინა ივანიშვილი
- "საქართველო უნდა მართოს ქართველი ხალხის მიერ არჩეულმა ხელისუფლებამ" - ბიძინა ივანიშვილი
- "პირველად გვაქვს ხანგრძლივი და უწყვეტი მშვიდობა ქვეყანაში, რომელიც პირველ რიგში, ჩვენი ლიდერის, ბიძინა ივანიშვილის დამსახურებაა"