"ეს შემთხვევა მთლიანად საზოგადოების ტრაგედიაა, რადგან კიდევ ერთხელ ვერ შევძელით დაგვეცვა ბავშვის სიცოცხლე"
სახალხო დამცველი ნინო ლომჯარია 15 წლის მოზარდის გარდაცვალებას სოციალურ ქსელში ეხმაურება.
„15 წლის არასრულწლოვანი გარდაიცვალა... ვიზიარებ მისი ოჯახის და ახლობლების უსაზღვრო მწუხარებას... ეს შემთხვევა მთლიანად საზოგადოების ტრაგედიაა, რადგან კიდევ ერთხელ ვერ შევძელით დაგვეცვა ბავშვის სიცოცხლე.
მედიასაშუალებებში გავრცელებული ინფორმაციის საფუძველზე, სახალხო დამცველის აპარატს დაწყებული აქვს საქმის მრავალმხრივი შესწავლა. ჩვენ მივმართეთ სახელმწიფო ინსპექტორის აპარატს, სოციალური მომსახურების სააგენტოს, განათლების და მეცნიერების სამინისტროს. ჩვენი მანდატის ფარგლებში მონიტორინგს გავუწევთ როგორც მიმდინარე გამოძიების პროცესს, ასევე, შევაფასებთ, რატომ არ იყო გადადგმული შესაბამისი ნაბიჯები პასუხისმგებელი უწყებებისა და პირების მხრიდან ბავშვის ფსიქო-სოციალური მხარდაჭერის კუთხით“, - წერს ლომჯარია სოციალურ ქსელში.
სიახლეები
- "ჩვენ უნდა დავაწესოთ მიზანმიმართული სანქციები და მოვითხოვოთ მიხეილ სააკაშვილის გათავისუფლება"
- "მთავარია, მართლები ვიყოთ საკუთარი სამშობლოს და მისი ღირსეული მომავლის წინაშე, გელოდებით ყველას 29 აპრილს"
- 24-25 აპრილს, ღამის საათებში რიკოთის ძველ გვირაბში შეზღუდვები დაწესდება
- უცხოური ვალუტის ოფიციალური კურსი 24 აპრილისთვის
- ევროპის ისტორიული თერმული ქალაქების დელეგატები იმერეთის კურორტების სამკურნალო თვისებებს ეცნობიან