Facebook-მა სპეციალურად წყვილებისთვის განკუთვნილი აპლიკაცია გამოუშვა
Facebook-ის ახალი აპლიკაცია Tuned სპეციალურად წყვილებისთვისაა შექმნილი, რომელსაც ისინი ერთმანეთთან მიმოწერის, მუსიკის გაზიარებისა და ციფრული ფოტოალბომის შესაქმნელად გამოიყენებენ.
აპლიკაცია Facebook-ის მიერ შექმნილი სპეციალური გუნდის, NPE-ის (the New Product Experimental Team) პროდუქტია.
აპლიკაციის შემქმნელები ირწმუნებიან, რომ Tuned წყვილებისთვის შექმნილი კონფიდენციალური სივრცეა, თუმცა აქვე უნდა აღინიშნოს, რომ მას მონაცემთა დამუშავების ისეთივე პოლიტიკა აქვს, როგორიც თვითონ Facebook-ს, რაც მომხმარებლების ინტერესებისა და აქტივობის რეკლამის სამიზნე აუდიტორიის განსაზღვრისთვის გამოყენებას გულისხმობს. ამის გამო მომხმარებელმა შესაძლოა აპლიკაციისთვის პირადი ინფორმაციის გაიზარებისგან თავი შეიკავოს.
Tuned ჯერ-ჯერობით აშშ-სა და კანადაშია ხელმისაწვდომი, ისიც მხოლოდ iOS-ის მომხმარებლებისთვის. აპლიკაციის გამოსაყენებლად Facebook-ის ანგარიში საჭირო არაა. მის გასააქტიურებლად მომხმარებელმა აპლიკაციაში სასურველი პიროვნების ტელეფონის ნომერი უნდა შეიყვანოს.
შეგახსენებთ, რომ Facebook-მა ახალი სოციალური ქსელებისა და პლატფორმების შესაქმნელად სპეციალური გუნდი – the New Product Experimental Team- 2019 წელს ჩამოაყალიბა.
სიახლეები
- "გვარამიას საქმეზე სტრასბურგის გადაწყვეტილების შემდეგ, კარგი იქნება, თუ კელი დეგნანი და ევროკავშირის ყოფილი ელჩი ბოდიშს მოიხდიან ქართული სასამართლოს წინაშე" - სოზარ სუბარი
- "დავიწყეთ მოლაპარაკება უცხოურ და ქართულ ავიაკომპანიებთან, რათა EURO 2024-თან დაკავშირებით, ფრენების სიხშირესთან ერთად, გერმანიის მიმართულებით ჩარტერული რეისებიც დაემატოს" - ირაკლი ქარქაშაძე
- სოკო ნიგვზითა და მწვანე ხახვით
- უკრაინის საჰაერო ძალების ცნობით, რუსეთს 26 დრონი გაუნადგურეს
- პაპუაშვილის თქმით, სტრასბურგის სასამართლომ არც კი განიხილა გვარამიას საქმე, „მიხვდა, საქმე ჰქონდა დამნაშავესთან"