March 29, 2024

მეუფე ნიკოლოზი - "არავინ ამბობს, რომ სასულიერო პირს იარაღი უნდა ჰქონდეს"

კუმურდოსა და ახალქალაქის მიტროპოლიტის მეუფე ნიკოლოზის განცხადებით, სინოდი ყინწვისის მამათა მონასტერში მომხდარ დაპირისპირების თაობაზე სასამართლოს გადაწყვეტილების შემდეგ იმსჯელებს.

 

როგორც მეუფე ნიკოლოზი ამბობს, სასულიერო პირის მხრიდან მსგავსი ქმედება კარგი არ არის, თუმცა „ტყუილია, რომ ამ ეპარქიის სასულიერო პირები ცუდი ქცევით გამოირჩევიან“.

 

„საპატრიარქო არ არის საგამოძიებო უწყება. ჩვენი ნებისმიერი ტიპის სამართლებრივი გადაწყვეტილება დამყარებულია აღსარებაზე. ადამიანი ამბობს აღსარებას და ჩვენ ამის მიხედვით ვიღებთ გადაწვეტილებას. ჩვენ არ გვაქვს არანაირი საშუალება გამოძიების ჩატარების. აბსოლუტური ტყუილია, რომ ამ ეპარქიის სასულიერო პირები ცუდი ქცევით გამოირჩევიან. არაჩვეულებრივი ეპარქიაა. ცუდი საქციელი მოხდა, ყველას შეიძლება ეს დაემართოს. არავინ ამბობს, რომ ეს კარგი საქციელია, არავინ ამბობს, რომ სასულიერო პირს იარაღი უნდა ჰქონდეს. არ უნდა ჰქონდეს, არ უნდა გაისროლოს, არ უნდა ჩაიდინოს, თუ ჩაიდენს, უნდა აგოს პასუხი. სინოდი განიხილავს, თუ სასამართლო გამოიტანს განაჩენს. ჩვენ განვიხილავთ იმის მიხედვით, რას დაადგენს სახელმწიფო საგამომძიებლო უწყება. დაველოდებით სასამართლო გადაწყვეტილებას და ამის შემდეგ ვიმსჯელებთ“,- განაცხადა მეუფე ნიკოლოზმა.

 

რაც შეეხება სინოდის სხდომას, მეუფე ნიკოლოზი აცხადებს, რომ ჯერჯერობით უცნობია, თუ როდის შეიკრიბება წმინდა სინოდი.

წაკითხვა 416 ჯერ

სიახლეები

ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.