March 29, 2024

,,ილია, გთხოვ დაბრუნდი" - მშობლების ემოციური მიმართვა

,,ილია, თუ ჩემი გესმის, გთხოვ დაბრუნდი, შენთან ჩამოვედი, შენს წასაყვანად, ძალიან მიყვარხარ, გთხოვ დაბრუნდი", - 13 წლის ილია ფილფანის დედა შვილს მიმართავს და სთხოვს დაბრუნდეს.

ქსენია ფილფანი გაუჩინარებული შვილის მოძებნაში დახმარებას საზოგადოებას სთხოვს.

 

როგორც ის აცხადებს, მას არ სჯერა, რომ მისი შვილი ბათუმში ან ქობულეთში წავიდოდა, თუმცა არ გამორიცხავს, რომ თბილისში იყოს.

 

,,ერთადერთი, სადაც შეიძლება წასვლა, არის თბილისი, რადგან ძალიან კარგად იცნობს აქაურობას და აქ დიდ დროს ვატარებდით, თბილისში ცხოვრობს მისი მამიდა, რომელთანაც ვრჩებოდით. მან იცის სად არის ბინა და შეუძლია მიაგნოს", - აცხადებს ქსენია ფილფანი. 

 

დაკარგულის მამა, დავით ფილფანი საქართველოს მოქალაქეებს დახმარების თხოვნით მიმართავს.

 

,,ყველა კეთილ და გულისხმიერ ადამიანს გთხოვთ, თუ ნახეთ, 12-13 წლის ბიჭი ველოსიპედზე, რომელსაც მიამსგავსებთ ილიას ფოტოს და ეჭვი შეგეპარებათ, დაელაპარაკეთ და თუ ქართული არ ესმის, შესაძლოა, ეს ჩემი შვილია, დარეკეთ პოლიციაში, გაესაუბრეთ მას, თქვენ ძალიან დაგვეხმარებით. ყველას მადლობას ვუხდი, ვინც სამაშველო ოპერაციაში იღებს მონაწილეობას, არ ვიცით, რა მიმართულებით წავიდა, შესაძლოა, დაიკარგა და სხვა რეგიონში აღმოჩნდა,  გთხოვთ, ნუ იქნებით გულგრილი", - აცხადებს დავით ფილფანი. მშობლების ვიდეომიმართვას ,,დროება" ავრცელებს.

 

წაკითხვა 292 ჯერ

სიახლეები

ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.