"არ მინდა ისე მოვკვდე, რომ ვერ გავიგო, ჩემი შვილი რას შეეწირა"
როგორც თეონა თამაზაშვილმა აღნიშნა, ის გამორიცხავს შვილის თვითმკვლელობის ვერსიას.
"მე არავინ არ მიკავშირდება და არ მამცნობს გამოძიება რა მიმდინარეობით მიდის. არ ვიცი, რა ვიფიქრო უკვე, სრულიად განადგურებული ვარ და სრულიად ვაკუუმში ვარ, რატომ შეიძლებოდა, ჩემი პატარა გოგო, რომელიც უწყინარი იყო და არავის არაფერს უშავებდა, ასე უღვთოდ მოეკლათ? მე გამოვრიცხავ თვითმკვლელობის ვერსიას, თამუნას უყვარდა სიცოცხლე. ამბიციური ბავშვი იყო და დიდი მიზნები ჰქონდა. არცერთ კითხვაზე არ მაქვს პასუხი, ვერსიასაც კი არ მეუბნებიან, რა ვერსია შეიძლება იყოს. სრულ ვაკუუმში ვარ. 21-ე საუკუნეში, ამდენი ხანი გავიდა და როგორ შეიძლება რამდენიმე ვერსიაზე მაინც არ მუშაობდეს პოლიცია. რატომ არ მიკავშირდებიან და არ მაყენებენ საქმის კურსში, ვერ ვიგებ, არ ვიცი. ვის სჭირდება ეს?",- აცხადებს ბაჩალიაშვილის დედა.
თეონა თამაზაშვილის თქმით, ის შვილის გარდაცვალებას უშუალოდ ბაჩალიაშვილის სამსახურს არ უკავშირებს.
"მე არ ვამბობ, რომ უშუალოდ სამსახურში ხდებოდა რაღაც. თამუნა იმდენად ჭკვიანი იყო, რომ ვფიქრობ, მან ისეთი ინფორმაცია მოიპოვა, თუნდაც სამსახურის საქმეების გარეშე და ამიტომ ხომ არ მოხდა მისი ლიკვიდაცია. არ ვუკავშირებ უშუალოდ მის სამსახურს. არ მინდა ისე მოვკვდე, რომ ვერ გავიგო, ჩემი შვილი რას შეეწირა", - განაცხადა თეონა თამაზაშვილმა.
ამასთან, გარდაცვლილის დედის განცხადებით, როდესაც თამარ ბაჩალიაშვილის სამძებრო სამუშაოები მიმდინარეობდა, მას ბაჩალიაშვილის უფროსი დაუკავშირდა.
"სანამ თამუნას ვეძებდით, მე უშუალოდ მისი უფროსი დამიკავშირდა, მარტო სახელი ვიცი, ეგეც თამუნასგან, რომ თამუკა ჰქვია და თვითონ მთხოვა ამ ამბავში ტელევიზია ჩამერთო და ტელეფონის ნომერიც კი გამომიგზავნა", - აღნიშნა თეონა თამაზაშვილმა.
მისივე თქმით, მას არ ჰქონდა არანაირი ინფორმაცია მისი შვილის ანაზღაურებასთან დაკავშირებით.
სიახლეები
- მაკარონი მდნარი ყველით
- " როგორ შეიძლება მოწოდებები გააკეთო დაპირისპირებაზე? „ოცნება“ ხომ არ ხარ? - ყველას მოვუწოდებ, თავი შეიკავონ მსგავსი ტიპის უპასუხისმგებლო განცხადებებისგან "-ბექა ლილუაშვილი გიორგი ვაშაძის განცხადებაზე
- 3 თვის მონაცემებით, საქართველოში თავშესაფრის მაძიებლად 379 პირია აღრიცხული, საიდანაც ყველაზე ბევრი - 66 ადამიანი, უკრაინის მოქალაქეა - ამავე პერიოდში საქართველოდან სხვა ქვეყნის 59 მოქალაქე გააძევეს
- " ევროპარლამენტში საქართველოსათვის სანქციების მოთხოვნის მხარდამჭერთა ბირთვს ლიეტუველი დეპუტატები წარმოადგენენ, კუბილიუსის - გორბაჩოვის მხარდამჭერისა და მეხოტბის მეთაურობით" - გია ვოლსკი
- "მამული, ენა და სარწმუნოება - ეს არის სამი მთავარი საყრდენი, რომელიც ქმნის საქართველოს ეროვნულ იდენტობას" - ირაკლი კობახიძე