"ივანიშვილი-გახარიას რეჟიმის ისტორია შეგვიძლია დავახასიათოდ მოკლედ: „ქართველი ხალხისთვის თვალის ჩაკვრიდან - თვალის დათხრამდე“

პარტია „ნაციონალური მოძრაობის“ ერთ-ერთი ლიდერი ნიკა მელია აცხადებს, რომ 20 ივნისის ღამე იყო სადამსჯელო ოპერაცია იმ ადამიანების მიმართ, ვისთვისაც თავისუფალ ქვეყანაში ცხოვრება, დამოუკიდებლობა და სუვერენიტეტი უპირველესია.

ამის შესახებ ნიკა მელია სოციალურ ქსელ „ფეისბუქში“ წერს და მიმართავს „ქართული ოცნების“ თავმჯდომარე ბიძინა ივანიშვილს და შს მინისტრს, გიორგი გახარიას.

 

„ადამიანებს ესროდნენ დამიზნებით, სახეში, ესროდნენ ხელებაწეულ, მომღიმარ ადამიანებს. არასდროს, არასდროს, არავის შერჩენია და არავინ დარჩენილა დაუსჯელი ქართველ ხალხზე ძალადობისთვის. წარმოუდგენლად ცოტა დრო დარჩა იმ მომენტამდე, როდესაც ივანიშვილს და გახარიას სამართლიანი სასამართლოს პირობებში, სულ მცირე, ისტორიის ამ მონაკვეთში მიმდინარე მოვლენების ირგვლივ მოუწევთ კითხვებზე პასუხის გაცემა, მაგრამ მე არ ვარ მოსამართლე და სამართლებრივი შეფასებები მომავალს და სასამართლოს მივანდოთ.

 

რაც შეეხება ამ ყველაფრის პოლიტიკურ შეფასებას.

 

ივანიშვილი-გახარიას რეჟიმის ისტორია შეგვიძლია დავახასიათოდ მოკლედ: „ქართველი ხალხისთვის თვალის ჩაკვრიდან - თვალის დათხრამდე“.

 

თავიანთი დანაშაულებების გადასაფარად მათ სცადეს საზოგადოების ყურადღების გადატანა არარსებულ საკითხებზე. მათ სცადეს ჩემი გაჩერება ე.წ. ელექტრონული ბორკილებით.

 

ივანიშვილო და გახარიავ, თქვენ დგახართ ავტობუსების არასწორ მხარეს, ისტორია თქვენ ქმედებებს შეაფასებს: „ქართველი ხალხისთვის თვალის ჩაკვრიდან - თვალის დათხრამდე“.

 

საზოგადოების უდიდესი უმრავლესობა და მათ შორის მეც, ვდგავართ სამართლიანობის მხარეს, ისტორიის იმ მხარეს, რომელიც ასეც შეფასდება „ ელექტრონული ბორკილების დადებიდან - თავისუფლებამდე“.

 

თქვენ დაარბიეთ და თვალები დათხარეთ ადამიანებს იმიტომ, რომ შეგეშინდათ, შეგეშინდათ იმიტომ, რომ არ გწამდათ საკუთარი სიმართლის.

 

ისტორიის სწორ მხარეს კი ჩვენ გვწამს, გვწამს რომ: საქართველო იქნება დამოუკიდებელი; საქართველო იქნება თავისუფალი ადამიანების ქვეყანა; საქართველო იქნება წარმატებული და მდიდარი და ამ ყველაფერში ლომის წვლილი უკვე შეიტანა ამ ქვეყნის მომავალმა - თავისუფალმა, მებრძოლმა, ჯიუტმა ახალგაზრდებმა.

 

ეს მართალი ადამიანები არ დათმობენ, აღარ დათმობენ, მათ ყველაზე მეტი აქვთ დასაკარგი - მთელი ცხოვრება და ცხოვრებას არავის დააკარგვინებენ.

 

თავისუფლების, დამოუკიდებლობის, პატრიოტიზმის და ახალგაზრდების წინააღმდეგ ბრძოლა არავის მოუგია და არაფერი შეედრება იმ განცდას, როდესაც გრძნობ, რომ მართალი ხარ და 100 % ით ზუსტად იქ დგახარ, სადაც უნდა იდგე.

 

სამართლიანობა ყოველთვის იმარჯვებს, ჩვენც აუცილებლად გავიმარჯვებთ და იმაზე მალე ვიდრე თავად ჩვენ გვგონია“, - წერს მელია.

წაკითხვა 690 ჯერ
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.